Radio Bullgaria

Eurodeputetët bullgarë do të takohen me komisionerin evropian për zgjerim Shtefan Fule lidhur me kazusin Spaska Mitrova, njoftuan nga PE. Në takim Fule do të informohet për rastet e shkeljes së të drejtave të njeriut të qytetarëve me vetëdije bullgare në Maqedoni dhe konkretisht me rastin “Spaska Mitrova”. Eurodeputetët bullgarë do të tërheqin vëmendjen e komisionerit evropian posaçërisht mbi shkeljen e kritereve të Kopenhagës në fushën e të drejtave të njeriut në një vend kandidat për anëtarësim në BE. Le të rikujtojmë se më 8 tetor të vitit të kaluar Mitrova doli nga burgu i Shkupit, ku mbeti me dënim me 3 muaj burg, sepse nuk i lejonte ish bashkëshortit, një serb etnik, të takohet me vajzën e tyre dyvjeçare. Në mes të dhjetorit u bë e qartë se në Maqedoni është nisur një proces i ri kundër saj, prapë me akuza, se nuk lejonte takimet e bashkëshortit me vajzën, megjithëse ajo nuk e kishte parë fëmijën pasi doli nga burgu. Në seancën e fundit të gjyqit në qytetin Gevgeli në fund të javës së kaluar fëmija u nda nga nëna.