Redaktori i njohur dhe drejtues në Radion Kombëtare Bullgare Toma Sprostranov mori çmimin “Shekulli i artë”, i cili u jepet personave që kanë kontribut të konsiderueshëm për zhvillimin e kulturës bullgare dhe identitetit kombëtar. Mbajtës të këtij çmimi të Ministrisë së Kulturës janë emra të shquar si Ljuben Zidarov, prof. Pllamen Xhurov, Lilija Arabaxhieva, Stojan Aleksiev, Elin Rahnev, prof. Aleksandër Tekeliev. Toma Sprostranovi është i njohur si “zëri më i shquar ” në eterin bullgar. Programi i tij “Pentagrami kureshtar”, i cili tingëllon në valët e Radio Plovdivit çdo të dielën, që nga viti 1967, është rubrika muzikore më e vjetër në Ballkan, e cila vazhdon të realizohet rregullisht. Dëgjuesit e programit “Horizont” të Radios Komblëtare Bullgare e njohin Toma Sprostranovin si drejtuesi i rubrikave “Notat që pulsojnë”, “Tomi prezanton” dhe “Më të dashurat”. Sipas dëgjuesve Toma është njeriu radio.