Zëvendës Ministrat e Ekonomisë Daniella Vezieva dhe Ljuben Petrov diskutuan mundësitë për zgjerimin e investimeve dhe tregtisë me Gjermaninë në një takim me përfaqësues të Komisionit Lindor të Ekonomisë Gjermane. Ka tendencë që kompanitë gjermane, të cilat kanë plane për t’i tërhequr investimet e tyre nga Kina dhe Turqia, të përfitojnë nga përparësitë, që ofrohen nga mjedisi i biznesit në regjion. Duhet t’i tërheqim firmat këtu, sepse në këtë mënyrë Produkti i Brendshëm Bruto po rritet dhe tregtia do të rritet, tha në takim Mihael Harms – udhëheqës i Komisionit Lindor të Ekonomisë Gjermane, komision ky i cili mbron interesat e mbi 200 firmave gjermane në 21 vende në Evropën Lindore. Ljuben Petrov nënvizoi se Bullgaria mund të jetë një destinim potencial i biznesit dhe i investimeve edhe për kompanitë, të cilat për shkak të krizës në Ukrainë dhe të sanksioneve kundër Rusisë janë detyruar t’i ridrejtojnë interesat e tyre të biznesit.