Ristrukturimi parazgjedhor i hapësirës politike merr konture përherë e më të qarta

Foto: BTA

Siç ishte paralajmëruar akoma vitin e kaluar më 7 janar të vitit 2017 u zhvillua mbledhja themeluese e formacionit të ri politik “Po, Bullgaria!”, të lancuar na ish ministri i drejtësisë Hristo Ivanov (i qeverisë së kryeministrit Borisov). Qëllimet kryesore politike të projektit të ri janë garantimi i epërsisë së ligjit dhe drejtësisë efektive, përshpejtimi i ritmeve të zhvillimit të shtetit, përballimi i varfërisë së rëndë, rritja e standardit të jetesës.  Këto qëllime morën përkrahje të gjerë shoqërore – për më pak se një muaj projekti tërhoqi 4500 veta anëtarë dhe 90 mijë leva (45 mijë euro) dhuratë. Në të njëjtën kohë themelimi i partisë  “Po, Bullgaria” me siguri do të provokojë një ristrukturim të hapësirës së djathtë politike të shtetit. Kjo është një hapësirë që deri tani ishte zënë kryesisht nga koalicioni “Blloku i Reformatorëve”.

Dy ditë para themelimit të partisë së re, lideri i Demokratëve për Bullgarinë e Fortë Radan Kënev shpalli publikisht se formacioni i tij është gati për veprime të përbashkëta me “Po, bullgarinë!” në bazë të qëllimeve të përbashkëta për reformë në drejtësi dhe luftë kundër korrupsionit. Në të njëjtën ditë, kur lideri i Demokratëve për Bullgarinë e Fortë bëri këtë deklaratë, Bashkimi i Forcave Demokratike përjashtoi nga radhët e veta liderin e organizatës së tij të kryeqytetit Ljuben Petrov për këtë se nuk është dakord me përforcimin e lidhjeve me Lëvizjen “Bullgaria e Qytetarëve” dhe kërkon afrim me Demokratët për Bullgarinë e Fortë. Ka sinjale se Bashkimi Kombëtar Popullor i Bujqve gjithashtu është gati për veprime të përbashkëta me “Po, Bullgarinë!” (bashkimi gjithashtu është pjesë e Bllokut të Reformatorëve).

Qëndrime dhe synime të tilla ka edhe në formacione jashtë Bllokut të Reformatorëve. Partia “Të gjelbrit” nuk fsheh se është gati për një koalicion me projektin e ri të Hristo Ivanovit. Ide të tilla ka edhe Partia DEOS (Lëvizja për Bashkim Evropian dhe Solidaritet).

Për vetë “Po, Bullgarinë!” interesi i treguar për të është diçka e mirë, jo vetëm për shkak të dëshirës për punë të përbashkët në lidhje me zbatimin e qëllimeve të saj. Deri në zgjedhjet parlamentare mbeten më pak se dy muaj dhe për një kohë aq të shkurtër formacioni i ri nuk do të arrijë të krijojë mjaftë struktura të veta. Në këtë kuptim bashkimi me struktura, të cilat tashmë ekzistojnë, do të kompensojë këtë prapambetje.

Mirëpo me shfaqjen e partisë “Po Bullgaria” mundësitë për ristrukturimin e hapësirës politike nuk mbarojnë. Ka komente të lidhura me një bashkëpunim eventual të saj me partinë e afaristit Veselin Mareshki. Në se ky bashkim nuk realizohet sociologët parashikojnë, se partia e Mareshkit do të marrë 5.2% të votave në zgjedhjet e parakohshme. Analizat paraprake të sociologëve tregojnë se një formacion politik i showman-it Sllavi Trifonov mund të marrë 12% të votave.

Studimet e fundit sociologjike nga viti 2016 tregojnë se diferenca elektrorale midis forcave më të mëdha politike – partisë GERB dhe Partisë Socialiste Bullgare ka rënë nën 2%. Për të parën do të votojnë 20.3% të votuesve, për të dytën 18.4%. Patriotët e Bashkuar do të marrin 10.1%, kurse Lëvizja për të Drejtat dhe Liritë - 6,3%. Ristrukturimi i hapësirës politike që po zhvillohet mund të ndryshojë në mënyrë të konsiderueshme këto përqindje.

Përgatiti në shqip: Jordanka Ivanova

print Printo
Më shumë nga rubrika

Në samitin e NATO-së u morën vendime të përkrahura nga Bullgaria

Samiti i fundit i NATO-së në Bruksel vazhdoi 6 orë. Në të u pranuan pa diskutime vendime, të bashkërenduara paraprakisht. Pozicioni i Sofjes në lidhje me këto vendime u shpall një javë më parë para Sekretarit të Përgjithshëm të NATO-së Jens Stoltenberg..

botuar më 17-05-28 8.23.PD

Politikanët bullgarë u bashkuan kundër pohimit të Presidentit Putin për shkrimin sllav

Pikërisht më 24 maj – Ditën e kulturës bullgare dhe shkrimit sllav, bullgarët mësuan se në takimin mes presidentëve të Rusisë Vladimir Putin dhe të Maqedonisë George Ivanov në Moskë, kreu i shtetit Putin ka deklaruar se shkrimi sllav ka ardhur në Rusi..

botuar më 17-05-26 2.44.MD
Megjithë provat për prezantimin e konfliktit mes Prokurorit të Përgjithshëm Sotir Cacarov (majtas) dhe Kryetarit të Gjykatës së Lartë të Kasacionit Llozan Panov, si një mosmarrëveshje personale, në fakt ai tregon probleme më të thella jo vetëm në sistemin e drejtësisë, por edhe në ndarjen e pushtetit.

Probleme me ndarjen e pushteteve çerek shekull pas ndryshimeve demokratike

Një takim i Prokurorit të Përgjithshëm me një përfaqësues të biznesit të gazit në Bullgari me ndërmjetësinë e një afaristi tjetër të dalluar me veprimtari aktive politike, tashmë dy muaj provokon debate të ashpra. Kohët e fundit ato dalin nga sfera e..

botuar më 17-05-23 4.11.MD