Bullgaria fiton medalje të tretë nga Olimpiada në Londër gjatë vitit 2012. Millka Maneva do të fitojë bronz në kategorinë deri më 63 kilogramë, pas rasteve të sportistëve , të akuzuar në përdorim të dopingut gjatë një kontrolli të dytë të provave nga lojërat Olimpike në Pekin gjatë vitit 2008 dhe në Londër 2012. Një bullgare ka shansin të ngjitet dhe në vendin e dytë, me qenë se prova e dytë e kampiones Svetllana Carukaeva nga Rusia akoma nuk është hapur. Komiteti Ndërkombëtar Olimpik pret që Federata Ndërkombëtare e peshëngritjes të shpallë sanksionet, që të paracaktohet zyrtarisht klasifikimi. Kur kjo do të bëhet, Maneva do të jetë peshëngritësja e parë bullgare me medalje nga lojërat Olimpike. Në Lojërat në Londër 2012 Bullgaria deri tani kishte dy dekorata-argjend për Stanka Zllatevën në mundjen e grave dhe bronz në boks për Tervell Pulevin.