Guvernatori i Bankës Popullore Bullgare Dimitër Radev tha për Radion Kombëtare Bullgare, se rezervat valutore ndërkombëtare të Bullgarisë janë dyzetë e shtatë miliarda leva (24 mlrd. euro). Kjo do të thotë se bordi valutor i shtetit ka 160% mbulim. Sipas mendimit të Radevit stabiliteti i sistemit financiar është një faktor kyç në rrugën e Bullgarisë drejt Eurozonës dhe tani detyra kryesore e shtetit është që të krijojë dhe të mirëmbajë një infrastrukturë financiare në përputhje me standardet evropiane dhe të vazhdojë reformat, kështu që sistemi bankar të mos vazhdojë të jetë një temë e hapur në procesin e aderimit në Eurozonë.