Drejtuesi legjendar në radio Toma Sprostranov u dërgua simbolikisht në një klub të Sofjes nga kolegët, muzikantët, të afërmit dhe miqtë e tij pas afro 50 vitesh punë në radio. Sprostranov fitoi popullaritet me programin e tij “Notat pulsuese” të drejtorisë “Horizont” të Radios Kombëtare Bullgare, që dëgjohet pa ndërprerje që nga viti 1975 deri më sot e kësaj dite. Drejtuesi bullgar ka pasur shumë shfaqje edhe në redaksinë bullgare të BBC. Gjatë 2016-ës ai fitoi çmimin e madh të Radios Kombëtare Bullgare “Sirak Skitnik” dhe çmimin “Zëri i Artë”. Programi “Notat pulsuese” do të mbetet në eter, por tashmë me drejtues të ri – Veselin Dimitrov, i cili tre vjet është duke u përgatitur për ta zëvendësuar Toma Sprostranovin. Vetë Sprostranovi do të vazhdojë të punojë si drejtues i programit “Pentagrami kureshtar” në eterin e Radio Plovdivit, program ky me të cilin është filluar karriera e tij krijuese.