Tensioni midis Greqisë dhe Turqisë minon NATO-në

Zëvendës sekretari i shtetit i SHBA-së mbi çështjet evropiane dhe evraziane Xhonatan Koen tha, se qeveria e vendit bënë përpjekje për evitimin e konfliktit midis Greqisë dhe Turqisë. Sipas tij një luftë midis dy vendeve nuk është në interesat e NATO-së. Diplomati u takua me kryetarin e Këshillit Greko-Amerikan Endi Temenidis në lidhje me tensionin midis Turqisë dhe Greqisë në Detin Egje dhe në Qipro. Ai theksoi rëndësinë e bazës detare amerikane në Kretë.

Bashkëpunimi midis Rusisë dhe Turqisë është gjithnjë më aktiv

Bashkëpunimi midis Federatës Ruse dhe Turqisë në ndërtimin e gazsjellësit “Rryma Turke” dhe Centralit Atomik Elektrik “Akkuju” bëhet gjithnjë më aktiv. Këtë e deklaroi presidenti turk Rexhep Tajip Erdogan pas një takimi me homologun e tij rus Vlladimir Putin në Moskë. Sipas liderit turk, sot elementet kryesore të bashkëpunimit midis ekonomive të të dy vendeve përbëjnë industria mbrojtëse dhe energjetike. Zoti Erdogan saktësoi, se ka në plan që ato sfera dhe një sërë çështjesh të tjera të diskutohen gjatë bisedimeve në Moskë.

Në Kroaci u zhvarrosën kufomat e 13 serbëve

Autoritetet vendore të fshatit kroat Shash në rajonin e qytetit lindor Sunja, zhvarrosën kufomat e 13 serbëve – viktimë të operacionit “Stuhi”, me të cilin forcat kroate rikthyen territoret e çara nga separatistët serbë gjatë vitit 1995. Sipas të dhënave paraprake tre nga kufomat janë të grave, ndërsa 9 – të burrave. Për njërën prej tyre nuk ishte e mundshme të caktohet seksi. Operacioni “Stuhi”, i cili çoi deri në shpërnguljen e qindra mijë serbëve, kremtohet në Kroaci si ditë e fitores, përderisa Serbia e caktoi si krim ushtarak, i cili u bë shkak për shpërnguljen e shumicës së serbëve me banim në Kroaci.

OKB-ja: Ankaraja i shkel të drejtat e njeriut

Afro dy mijë veta u vranë dhe lagje të tëra u asgjësuan në pjesën juglindore të Turqisë për një periudhë prej 18 muajsh, ku forcat qeveritare të sigurimit zhvilluan operacione, njoftuan nga OKB-ja. Në një raport të organizatës për periudhën nga korriku i vitit 2015 deri në dhjetor të vitit 2016 njoftohet, se përafërsisht 500 mijë veta, kryesisht kurdë, u pushkatuan. Fotografi nga sateliti dëshmojnë për “shkatërrime me përmasa të mëdha”. Në dokument flitet për vrasje, zhdukje, torturime, si dhe për shkelje të tjera serioze të të drejtave të njeriut.

30 milion euro për Maqedoninë dhe Serbinë për krizën me refugjatët

BE-ja miratoi një pako suplementare nga 30 milion euro për përballimin e pasojave nga kriza me refugjatët në Ballkanin Perëndimor. Serbia, Maqedonia dhe shtete të tjera të Ballkanit Perëndimor duhet të shfrytëzojnë ato mjete për vendosjen dhe sigurimin e shërbimeve të migrantëve, si dhe për ndihmë të bashkive të cilat i pranojnë. Mjetet do të ndihmojnë administrimin e kufijve dhe fluksit të migrantëve në rajon. Që nga fillimi i krizës së migrantëve në vitin 2015 Serbia dhe Maqedonia morën më se 59 milion euro nga BE-ja.

Përpilues: Atanas Cenov

Përgatiti në shqip: Svetllana Dimitrova