Prof. Petja Asenova u nderua me medaljen e artë të Universitetit të Korçës për institucionalizimin e shqipes në Bullgari

Autor:
Prof. dr. Ali Jashari ia dorëzoi prof. Asenova Diplomën “Medalje e artë” të Universitetit “Fan S. Noli”
Foto: Maria Peeva

Libri “Gjuhësia ballkanike sot”Me rastin e 75-përvjetorit të lindjes së prof. Petja Asenova Katedra e Ballkanistikës e Universitetit të Sofjes organizoi prezantimin e librit “Gjuhësia ballkanike sot”. Botimi është një shenje respekti ndaj arritjeve të saj shkencore e pedagogjike dhe përmban artikuj të homologëve dhe ish studentëve të saj. Libri pasqyron tendencat bashkëkohore në gjuhësinë ballkanike – fusha në të cilën prof. Asenova është novatore. Në vitin 1994 ajo themeloi specialitetin “Ballkanistikë” në Fakultetin e Filologjisë Sllave të Universitetit të Sofjes “Shën Kliment i Ohrit”. Pikërisht në këtë degë të re për herë të parë studiohen gjuhët, letërsitë, kulturat, historia e popujve të Ballkanit. Për suksesin e specialitetit të ri flet edhe fakti se edhe universitetet e tjera prijëse të Bullgarisë gjithashtu themeluan dega për studimin e Ballkanistikës.

Profesorja dhe doktore e shkencave filologjike Asenova ka edhe një kontribut të jashtëzakonshëm në shkencën linguistike me mbi 160 publikime të cilat janë jo vetëm në sferën e gjuhësisë ballkanike, por edhe në lëmin e gjuhësisë së përgjithshme, gjuhësisë krahasuese, etnolinguistikës, onomastikës e etimologjisë, sociolinguistikës.

Homologët e prof. Asenova e përcaktojnë librin e saj për gjuhësinë ballkanike si “epoka e tretë dhe më e rëndësishme e zhvillimit të kësaj disipline”. Më shumë për meritat e saj mësojmë nga Prof. dr. Shaban Sinani nga Akademia e Shkencave e Shqipërisë:

Shënimi i përvjetorit të profesoreshës së shquar u bë një festë e vërtet e gjuhësisë indoevropiane e ballkanike. Mes të pranishmëve ishin përfaqësues të rretheve akademike të disa vendeve të regjionit, kurse nga foltorja e sallës së konferencave të universitetit u lexuan letra përshëndetëse nga tërë Evropa. Vetë prof. Asenova përgatiti një befasi për të gjithë homologët dhe ish studentët e saj – librin e vet të ri “Artikuj të përzgjedhur të gjuhësisë ballkanike”.

Akad. Floresha Dado, Prof. Petja Asenova, Prof. dr. Shaban Sinani dhe Prof. dr. Dhimitri Bello
Shumë nga emrat e sotëm të gjuhësisë ballkanike janë ish studentë dhe aspirantë të saj. Njëri prej tyre është Prof. dr. Dhimitri Bello nga Universiteti i Tiranës


Mes të ftuarve të posaçëm ishte Rektori i Universitetit të Korçës “Fan S. Noli” Prof. dr. Ali Jashari. Ai e nderoi prof. Asenova me Diplomën “Medalje e artë” të Universitetit “në shenje mirënjohjeje dhe nderimi për ligjëratat që ka zhvilluar në Universitetin e Korçës dhe gatishmërinë e saj për studime të përbashkëta doktorante në fushën e gjuhësisë së aplikuar dhe krahasuese, duke dhënë një ndihmëse të çmuar në përgatitjen e studiuesve të rinj”.


Para mikrofonit të Radio Bullgarisë Prof. dr. Ali Jashari e përcaktoi kontributin e prof. Asenova për mësimin e shqipes në Bullgari:

Fotografi: Maria Peeva

Më shumë nga rubrika
Deçko Uzunov, “Autoportreti me shenjtorët”

Për ikonat dhe simbolet e tyre në artin bullgar

Deri në 4 shkurt në Galerinë e Arteve Figurative mund të shihet ekspozita “Simboli dhe imazhi në artin modern bullgar”. Ekspozita i është kushtuar ikonës dhe pranisë së saj në krijimtarinë artistike mondane. Veprat e ekspozuara janë mbi 100...

botuar më 18-01-13 8.05.PD

Këngëtarja popullore Valja Ballkanska mbushi 76 vjeç

Më 8 janar këngëtarja popullore me “zërin kozmik” Valja Ballkanska mbushi 76 vjeç dhe në ditëlindjen e saj ajo u uroi të gjithë bullgarëve paqe dhe bereqet gjatë 2018-ës. Ajo shprehu lumturinë e saj se gjatë viteve të fundit bullgarët gjithnjë e më..

botuar më 18-01-13 8.00.PD

Ekspozitë interaktive prezanton trashëgiminë kulturor historike të Bullgarisë

Më 11 janar me një ceremoni solemne në Teatrin Popullore në Sofje u hap zyrtarisht Presidenc a e parë Bullgare e Këshillit të BE-së. Dita kaloi nën shenjen e shumë takimeve dhe veprimtarive. Njëri prej aktiviteteve ishte hapja e ekspozitës..

botuar më 18-01-12 12.58.MD