Festivali "Grand Chocolate" në Sofje

Dhe sivjet organizatorët e Festivalit “Grand Chocolate” transformuan një nga sallat e Inter Ekspo Qendrës në Sofje në mbretërinë e çokollatës. Historia e ëmbëlsirës joshëse daton që përpara 1500 vjet dhe përmes tij realizojmë fantazitë tona prej çokollate. U prezantuan virtuoz bullgar; dhe të huaj në prodhimin e çokollatës dhe të prodhimeve të çokollatës me mbi 250 lloje kombinacione jo standarde. Hollësi do të mësojmë nga Ani Dimitrova, e cila është pjesë nga ekipi i ngjarjes:

Sivjet shënojmë edicionin e tretë të radhës, që për lumturinë dhe kënaqësinë tonë është më i madh se të mëparshmit. Gëzojmë një interes të madh nga ana e vizituesve dhe të ekspozuesve. Ka më shumë pavijone ekspozuese – mbi 70 firma dhe produkte më të larmishme. Kombinacionet janë të shumëllojshme: çokollatë me rozmarinë, me verë, me piper të zi dhe të bardhë, me luleshtrydhe, me mjedër, avokado, agrume, birë me kakao, birë me vanilje dhe maja pishe, çaj prej kakao i bërë me kokrra prej kakao, çokollata të gjalla dhe bio, torta të punuara në dorë dhe në fabrikë, ëmbëlsira, mafinë. Një nga aksentët sivjet është ekspozita e piktores së talentuar Dari Dançeva, e cila përdor një teknikë të shkëlqyer me bojëra vaji dhe çokollatë. Në ekspozitë ka dhe bizhuteri të punuara prej çokollate. Ato kuptohet nuk janë të përshtatshme për t’u mbajtur, me qenë se temperatura e trupit tonë do t’i tresë, por janë një prodhim i vërtetë i artit.

СнимкаVizitorët patën mundësinë të shikojnë teknika të posaçme – si ekuilibrohet çokollata dhe si punohet çokollata me dorë. Ekspozita ka dhe favoritin e vet. Një nga punuesit më të njohur të çokollatës në Bullgari – shefi Radi Stambollov, përveç se tregoi sekretet e kënaqësisë së punimit të çokollatës, zgjoi dhe imagjinatën, duke përzier përpara syve tona një “akullore galaktike” me një azot të lëngësht gjatë një temperature minus 196°C.

Del se kakaoja është e dobishme dhe e mirë jo vetëm për shpirtin – me shijen e vet joshëse, por dhe për trupin. Ai ka vetinë të hidratojë qelizat, t’i freskojë dhe t’i rigjenerojë dhe gjen aplikim në disa procedura SPA.

СнимкаVëmendja jonë u tërheq akoma prej disa kutive tepër të bukura me bonbone shumëngjyrëshe, të cilat dikur importoheshin nga ish Bashkimi Sovjetik. U njohëm me Rusllan Georgievin, një bullgar besarabian dhe menaxher regjional të korporatës të pastiçerisë në Ukrainë.

“Ne jemi disa nga prodhuesit më të mëdhenj në botë të prodhimeve të ëmbla – shënon Rusllani. – Që nga viti 2014 kemi një zhvillim mjaft të madh në Evropë. Bullgaria është një vend shumë i mirë, ku mund të propozojmë mbi 350 artikujt tanë. Bullgarët tregojnë një interes të veçantë ndaj bonboneve me kile. Ato janë me mbushje të ndryshme dhe janë shumë atraktive. Kemi plane ambicioze dhe qëllime për zhvillim në Bullgari.”

СнимкаU ndalëm mbi një firmë bullgare nga rajoni i qytetit Samokov. Ajo është krijuar gjatë vitit 1991. Fillon me një kolektiv prej 6 vetave, kurse sot punojnë mbi 250 veta. Prodhojnë pasta të thata, biskota, shtresa për tortë, kruasan. Ajo është mes liderëve në treg për role të mbushura në Bullgari. Produktet e saj janë të vlerësuara në vende nga Evropa, Lindja e Mesme dhe Afrika.

Anna Novakova ndan përshtypjet e saj nga këto ekspozita dhe nga klientët e shumtë përpara pavijonit:

“Më bën përshtypje, se bullgarët janë të orientuar krejtësisht drejt ëmbëlsirave, drejt çdo gjëje e cila e ngre androfinën, “hormonet e gëzimit” kurse ky është një shkak për gëzim të prodhuesve të ëmbëlsirave.”

СнимкаÇokollata nuk është vetëm një kulinari, ajo është një art i vërtetë, i sjellë në forma të ndryshme: zemra të mëdha, kështjella, figura të ndryshme prej çokollate, maska nga Venecia, vezë të pikturuara për Pashkët. Jemi të bindur se, të gjithë ekspozuesit janë munduar të krijojnë një atmosferë të shijshme dhe atraktive dhe të propozojnë më interesanten, të cilën mund ta krijojnë.

Përgatiti në shqip: Nataniela Vasileva

Fotografi: BGNES dhe Bllagorodna Georgieva

Postimet e lidhura

Sushi i ëmbël bullgar në tryezën e Vitit të Ri në Japoni

Ëmbëltori bullgar Radi Stambollov është zv/kryetar i Asociacionit Evropian të Kulinarëve “Euro-Toques” në Bullgari. Ai është i njohur me qasjen e tij inovative dhe krijuese. Pohon se gatimi i ëmbëlsirave është “aventurë për qiellzën”. Gatimi i fundit i..

botuar më 14-12-31 10.35.PD
Më shumë nga rubrika

Ngjarje me adresë ballkanike

Aleksandër Vuçiç: Serbia është në rrugën drejt Evropës, por i ruajmë marrëdhëniet e mira me Rusinë Serbia shikon tek Evropa, mirëpo vazhdon politikën e saj të fqinjësisë së mirë dhe të mirëkuptimit me Federatën Ruse, pavarësisht nga..

botuar më 18-02-22 4.23.MD

Bullgarët e kamur janë 300 mijë më shumë, 72% mbeten të varfër

Ka faktorë pozitivë, të cilët e kanë ndihmuar përmirësimin e gjendjes financiare të bullgarëve gjatë 4 muajve të fundit të vitit të kaluar. Ato janë rritja e qëndrueshme e ekonomisë (me rreth 3,6%) rritja e punësimit, ulja e papunësisë, aftësia më..

botuar më 18-02-21 2.16.MD

“Jeta në kilogramë” i ndihmon të rinjtë për t’i përballuar çrregullimet ushqimore

A mund të matet jeta me kilogramë? Del se mundet – pasi imazhi në pasqyrë dhe pesha e matur nga kandari nuk i përgjigjen modelit në masë. Prapa çdo një çrregullimi ushqimor fshihet ndonjë problem emocional. Ndërsa kur të bëhet fjalë për..

botuar më 18-02-21 12.11.MD