Asen Genovi: Shumë shpejtë pas zgjedhjeve prapë do të hyjmë në një situatë paraelektorale

Foto: BGNES

Bllogari Asen Genovi është i mendimit, që në vend të diskutojmë temat serioze, të cilat i kemi si shoqëri ne merremi me moshën dhe prejardhjen e kandidatëve për deputetë. Ai është i bindur, se cilësia e debateve paraelektorale mund të ndryshohet rrënjësisht, në se do të kopjohet përvoja e vendeve si Britania e Madhe dhe Italia dhe do të përjashtohet formati i paguar i pjesëmarrjes politike:

Në se do të miratohen ndryshime ligjore, sipas të cilave do të ndalohet propaganda e paguar politike, si në periudhën paraelektorale, ashtu edhe në tërë punën e mediave, kjo do të ndikojë pozitivisht. Në radhë të parë do të hiqet kërkesa për pronë para partive të cilat janë të paaftë të paguajnë, të cilën tani nuk kanë mundësi të përfshihen në një debat politik dhe pothuajse nuk kanë prani në hapësirën publike. Do të përmirësohet edhe debati. Gazetarët do të disponojnë lirinë të bëhen më kritikë. Dhe në këtë mjedis të konkurrencës politikanët do të jenë të detyruar të dalin nga komoditeti.

Cilat janë temat, që duhet të ishin në qendrën e vëmendjes së fushatës paraelektorale, por nuk arritën të bëhen të tillë?

E caktoj veten si një njeri më tepër me orientime të djathta. Mendoj, se rol kryesor duhet të kishte diskutimi për kufijtë e shtetit dhe për ndërhyrjen e tij në nismën private. Tani situata është e gabuar, sepse investitori kryesor janë fondet evropiane dhe prokurimet publike. Kështu shteti në nivel qendror dhe vendor drejton jetën ekonomike. Ky është një problem i cili duhet të diskutohet me tërë seriozitetin e tij. Në se shteti do të largohet nga biznesi, sipërmarrësit do të jenë më të lirë, gjë që do të reflektojë mbi mirëqenien tonë.

A janë të prirë zgjedhësit bullgarë të gllabërohen në premtimet paraelektorale dhe pas kësaj të kërkojnë që ata të plotësohen?

Sipas meje përqindja e madhe e zgjedhësve bullgarë votojnë me rezerva mentale. Ata votojnë në një konflikt midis vullnetit të shprehur dhe bindjes së brendshme. Ata votojnë për të keqen më të vogël, ose për të ruajtur statuskon.

Pas zgjedhjeve të parakohshme parlamentare më 26 mars skenari për Bullgarinë nuk është mjaftë optimist, mendon Asen Genovi dhe vazhdon:

Më duket, se do të përtëritet situata e vitit 2013, kur në parlament kishte paritet 120:120 votave dhe ishte i domosdoshëm gishti i florinjtë i udhëheqësit të Partisë “Ataka” – Volen Siderov. Ndoshta edhe tani, në se iu besohet sociologjisë, situata do të jetë e përafërt. Në rrethana të përngjashme nuk do të jetë e mundshme që pa kompromise të formohet një shumicë drejtuese. Kështu që jam i prirë të mendoj, se do të hyjmë në një situatë paraelektorale në kohë të afërt pas këtyre zgjedhjeve. Më duket, se ka mundësi, që deri në fund të vitit prapë të ketë tension, protesta, zgjedhje të parakohshme të fshehura prapa domosdoshmërisë për qëndrueshmëri dhe kryesisë së ardhshme të BE-së. Të gjithë drejtojnë kritika ndaj qeverisë teknike, se ka autorizime të kufizuara. Mirëpo, unë nuk mendoj, se do të jetë një problem serioz për Bullgarinë, në se prapë do të na qeverisë një kabinet teknik. Ashtu siç presidenti Rosen Plevneliev formoi dy qeveri teknike, kështu edhe presidenti i tanishëm Rumen Radev mund të formojë kabinet të dytë teknik.

Përgatiti në shqip: Svetllana Dimitrova

Më shumë nga rubrika
Politikanët nuk arritën mirëkuptim në mbledhjen e Këshillit Konsultativ tek Presidenti

Përshkallëzohet konfrontimi për temën e korrupsionit

Gjatë kësaj jave u zhvillua mbledhja e dytë e Këshillit Konsultativ të Sigurisë Kombëtare e lidhur me domosdoshmërinë për masa legjislative kundër korrupsionit. Mirëpo ajo nuk i arriti rezultatet e pritura. Presidenti Rumen Radev shpalli se nuk ka..

botuar më 17-10-21 8.10.PD
Gjatë bisedimeve Dimitër Gllavçev dhe Nikolaos Vucis nënvizuan problemet, të cilat kërkojnë zgjidhje të përbashkëta.

Ballkani mund të bëhet një shtyllë stabiliteti në kufirin e BE-së

Kryetari i Kuvendit Bullgar Dimitër Gllavçev dhe homologu i tij grek Nikolaos Vucos diskutuan në Sofje marrëdhëniet e dy shteteve, problemet që kërkojnë zgjidhje të përbashkëta, korridorin transportues multimodal, i cili do t’i lidhë qytetet Ruse dhe..

botuar më 17-10-20 4.53.MD

Njohja e pakicës bullgare i bashkoi deputetët në Kuvend

Disa ditë pas miratimit të projektligjit për mbrojtjen e pakicave kombëtare në Republikën e Shqipërisë, më shumë për qëndrimet dominuese në shtet na tregoi Konsulli i Nderit i Republikës së Bullgarisë në Shqipëri Selim Hoxhaj. Sipas tij ky..

botuar më 17-10-18 2.20.MD