Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Valeri Dimçev: “Zbuloj horizonte të reja në muzikën për tambura”

Foto: arkiv personal

Valeri Dimçev është një virtuoz i njohur i tamburasë, kompozitor i afirmuar dhe përpunues i muzikës. Njihet me prirjen e tij ndaj leximit modern të folklorit. Profesionalizmi i tij ndryshon përfytyrimet për mundësitë teknike të kësaj vegle të vjetër muzikore, ndërsa idetë interesante tërheqin vëmendjen. Ai zotëron stilin origjinal t’i bjerë tamburasë së krahinës së malit Pirin. Mirëpo, me kalimin e viteve depërton në një mjedis jo aq karakteristik për këtë vegël muzikore.

Që kur ishte student në Akademinë Muzikore në qytetin Pllovdiv Valeri Dimçev ishte pjesë e formacioneve të ndryshme, bënte provat e para të kompozimit. Pasi u kthye në qytetin e lindjes Bllagoevgrad nisi punë si mësues i muzikës, redaktor në Qendrën Radio Televizive, formoi trion “Valeri Dimçev” e cila gërsheton timbret e tamburasë dhe kitarës. Shpesh jep koncerte në Evropë duke realizuar projekte të ndryshme muzikore. Është pedagog në Universitetin Jugperëndimor “Neofit Rillski”.

Kohët e fundit Valeri Dimçev incizoi projektin e tij për tambura dhe piano, për të cilin sjell më shumë hollësi: 

Brezi im avancoi shumë shpejtë si instrumentistë. Ishim nxënës në klasën e 10-të dhe 11-të në Shkollën Muzikore në fshatin Shiroka Llëka, kur filluam të kërkojmë sfida të reja. Vjen një moment kur muzikanti duhet të gjejë stilin e vet individual. Që kur isha nxënës fillova të kërkoj veten me dëshirën që çdo arritje të jetë më e madhe dhe më e mirë se sa e mëparshmja. Kështu arrita deri te muzika dasmore dhe xhazi. Në atë kohë e pëlqeva muzikantë si Xhon Maklaflin, Pako de Lusija dhe triot dhe kuartetet e tyre. Për mua kjo ishte si një dritare drejt botës. Ndjeva se tamburaja ishte pak ose shumë e neglizhuar në krahasim me veglat e tjera muzikore. Mirëpo, ajo ka vlerën e saj dhe mundësitë e veta teknike. Bëra përpjekje për të zgjeruar përfytyrimet për këtë vegël muzikore. Pas aq shumë vitesh shikoj, se muzikantët e rinj po ecën në po këtë rrugë. Ndoshta nuk bëra gabim dhe gjeta rrugën e drejtë. Për formimin e trios “Valeri Dimçev” me rëndësi ishte takimi im me muzikantin Anton Apostollov. Ai ishte kitaristi i trios. Ishte një muzikant i përsosur në xhaz dhe flamengo. Ai mësoi shumë prej meje për muzikën popullore, ndërsa më hapi sytë për stile të tjera muzikore dhe për mënyra të ndryshme të interpretimit. Incizuam dy disqe “Tamburaja bullgare” në Amerikë dhe në Kanada.

Përsa i përket projektit më të ri Valeri Dimçev rrëfen:

Për mua ishte një sfidë të kompozoj muzikë për tambura dhe piano. Deri tashti krijova muzikë për orkestër popullor, për grupe të vogla, për solo, por në një moment vendosa të gërshetojë tingëllimin e tamburasë me të të pianos. Kur njeriu avancon në profesion vjen një moment, kur është mirë t’u transmetojë të tjerëve dituritë e veta. Prandaj vendosa të botoj notat për ata, të cilën dëshirojnë të formojnë një duet të ngjashëm. Projekti, për të cilin bëhet fjalë titullohet “Muzikë për tambura” dhe shoqërohet me një kompaktdisk. Pjesët i incizova me pianisten Milena Tomanova. Në disa prej tyre dëgjohet edhe fyelltari Nedjallko Nedjallkov dhe trumbetari Vencisllav Bllagoev. Kompozoj muzikë edhe për filma dokumentarë, gjë që për mua është një punë shumë interesante dhe vitet e fundit një pjesë e madhe prej kohës i kushtoj kësaj veprimtarie.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD

Dashuria e përbashkët dhe një këngë e re në një takim të duetit SHIK me publikun e Sofjes

Dueti SHIK ka një vend të rezervuar në zemrat e adhuruesve të muzikës së bukur me këngët e tyre melodike, shumë prej të cilave janë kthyer në hite. Autori i tyre është Krasimir Gjullmezov - një kompozitor, aranzhues, instrumentist dhe këngëtar i..

botuar më 24-03-26 8.15.PD