Këngë gazmore për Ditën e Ngjalljes së Llazarit, Ditën e Dafinave dhe Pashkët

| rinovuar më 17-04-18 12.07.MD
Foto: BGNES

Radio Bullgaria ju propozon çdo muaj të votoni për muzikë nga Bullgaria. Ndër pjesëmarrësit që votojnë për këngën fituese zgjidhen me short tre veta, të cilat do të fitojnë CD me muzikën në gjininë përkatëse. Votimi është në e-mail-in e redaksisë: albanian@bnr.bg. Rezultatet shpallen çdo muaj. Këtë muaj kjo do të ndodhë pas Pashkëve.

Dita e Ngjalljes së Llazarit, Dita e Dafinave dhe Pashkët janë festa të rëndësishme pranverore në kalendarin e bullgarëve. Për çdo një prej tyre bullgarët i kanë traditat e veta.

Në Ditën e Ngjalljes së Llazarit kjo është e ashtuquajtura “llazaruvane” – kur vajzat e reja të quajtura “llazarki” këndojnë dhe vallëzojnë për shëndet dhe fat të mirë. Dita e Dafinave, ose Dita e Luleve është festa e luleve dhe pranverës. Njerëzit zbukurojnë shtëpitë e tyre me degëza dafine të bekuara në tempuj. Gjatë Pashkëve ngjyrosin vezë të kuqe dhe familja grumbullohet në tryezën e madhe, që të shënojë Ngjalljen e Shpëtimtarit.

Si gjithmonë, një prej elementeve kryesore të festës së bullgarit është muzika. Populli disponon këngë për çdo një moment të jetës, përfshi këtu dhe këngë për këto tri festa. Shembujt janë shumë dhe më të ndryshme.

Kënga “Llazarica” është në interpretim të Eva Kuartetit dhe është krijuar me motive të këngëve nga Pirini dhe të atyre kushtuar festës së Llazarit. Sa i përket kësaj kënge merita jo të vogla ka kompozitori dhe producenti francez Ektor Zazu, me të cilin gjatë vitit 2012 kuarteti lëshoi në tregun muzikor albumin “Arkata” ("Harku"), në të cilin është përfshirë edhe kënga “Llazarica”.

Arti i Eva Kuartetit korr suksese në skenat botërore tashmë më shumë se dhjetë vjet. Ato janë disa prej përfaqësuesve më të mëdha të artit bashkëkohor vokal. Muzikë filmore, projekte të ndryshme etno dhe bashkëpunim me muzikantë të shquar botërorë – kjo është pjesë e punës së këtyre këngëtareve të mrekullueshme që e përhapin famën e folklorit kolorit bullgar. Një kryevepër që u bë pjesë e repertorit të shumë koreve dhe formacioneve vokale është kënga “Të zëri gjymi, o Jagodo?” Ky është një tregim përrallor për jetën e përditshme të luleve dhe bimëve. Për herë të parë kënga u këndua nga Trioja me famë botërore "Bëllgarka" (“Bullgarja”), që ekziston që nga viti 1975 e këtej. Atje bëjnë pjesë këngëtaret Janka Rupkina, Eva Georgieva dhe Stojanka Boneva. Tri gratë kanë kënduar gjatë viteve të kaluara këngë të kompozuara nga kompozitorët e mëdhenj bullgarë dhe punojnë me muzikantë me famë botërore si Kejt Bush, Princ, Erik Kleptën, Xhorxh Harisën, Xhef Bek etj. Orkestrimi i këngës “Të zëri gjymi, o Jagodo?” është bërë nga kompozitori Petër Krumov, kurse në incizimin e trios që ruhet në fondin e Radios Kombëtare Bullgare i bie veglës muzikore gëdullka Mihaill Marinov.

Stefan Dragistinov është një prej novatorëve të kompozimit të muzikës korale. Formacioni i tij “Dragostin Folk” ka 11 kompakt disqe me mbi 700 minuta muzikë nga projekti i madh “Antologjia e folklorit muzikor bullgar”, “Ikonat prej tingujsh të Bullgarisë”, albumet muzikore “Rofinka”, “Sarakina”, “Gallunka”, “Muzika e Danubit”, “Përralla Dashurore”, “Ylli i Krishtlindjeve”, “Është kthyer mali”, “Millojka”, “Dasma e Diellit”, “Grozdanka”, “Shinka”. Grupi mund të lavdërohet me shumë çmime nga forume të ndryshme muzikore, me grumbullimin dhe paraqitjen e shembujve unikalë të folklorit bullgar. “Po vijnë Pashkët” është një këngë nga repertori i formacionit të tij “Dragostin Folk”, kurse orkestrimi është i vetë Stefan Dragostinovit.

“Pranvera e Javorit” ishte në krye të klasifikimit të dëgjuesve të Radio Bullgarisë muajin e kaluar.

Këtë herë shorti zgjodhi tre vetat, që do të marrin si dhuratë një disk me produktet e fundit të Radios Kombëtare Bullgare: Jan Umlauff (Gjermania), Radhakrishna Pillai (India) dhe Aleksandër Ustinoviç (Rusia).

Përgatiti në shqip: Vesella Mançeva

Postimet e lidhura

47 vjet radio-konkursi pranveror i Radios Kombëtare Bullgare

Radio Bullgaria ju propozon çdo muaj të votoni për muzikë nga Bullgaria. Ndër pjesëmarrësit që votojnë për këngën fituese zgjidhen me short tre veta, të cilat fitojnë CD me muzikën në gjininë përkatëse. Votimi është në e-mail-in e redaksisë:..

botuar më 17-03-16 12.57.MD
Më shumë nga rubrika

Koncerti i ciklit “Klasikët e muzikës dasmore bullgare” të Orkestrës së Muzikës Popullore të Radios Kombëtare Bullgare prezanton një program emocional

Gjatë këtij sezoni muzikor adhuruesit e muzikës popullore prapë do të kenë mundësi të dëgjojnë interpretimet dhe ekzekutimet e solistëve të njohur të orkestrave dasmore. Për këtë një kontribut do të ketë Orkestra e Muzikës Popullore të Radios..

botuar më 18-02-22 10.46.PD
“Eva Kuartet”

“A Filetta” dhe “Eva Kuartet” kërkojnë pikëtakimet në dy tradita krejt të ndryshme

Gjatë tetorit të vitit 1978 të bashkuar nga dashuria ndaj këndimit në shumë zëra karakteristik për ishullin Korsika, gjashtë këngëtarë krijuan “A Filetta”. Krahas veprimtarisë aktive lidhur me koncertet, në vitin 1989 (bashkë me Svegliu Calvese) e..

botuar më 18-02-20 10.29.PD

“Të rinjtë në operë”

Bullgaria u bë shteti i parë-mikpritës i realizimit të projektit dyvjetor ndërkombëtar “Të rinjtë në operë”. Ky është projekti i parë bullgar për bashkëpunim në fushën e kulturës “Evropa kreative”, i miratuar për të marrë bashkëfinancim nga Bashkimi..

botuar më 18-02-17 12.15.MD