Pritjet për një qeveri të re u transferuan drejt fillimit të muajit maj

Megjithë pritjet e liderit të GERB-it Bojko Borisov për formimin e qeverisë deri në fund të prillit, ajo do të bëhet fakt në fillim të majit, pasi që partnerët e ardhshëm të koalicionit duhet të caktojnë ende shumë çështje.
Foto: BGNES

Kuvendi i porsazgjedhur i 44 Popullor i Bullgarisë thirret në mbledhjen e parë nesër më 19 prill. Pas konstituimit të organit legjislativ, detyra e tij bazë do të jetë të miratojë qeverinë e re të vendit. Gjatë kohës së Festave të Pashkës, nga partia GERB, e cila bisedon me koalicionin nacionalist “Patriotë të Bashkuar” për krijimin e një qeverie të koalicionit prognozuan se, kabineti mbase do të formohet gjatë ditëve të para të muajit të ardhshëm, pas datës 4 maj. Deri vonë, lideri i partisë GERB Bojko Borisov lejonte mundësinë se, do të ketë një qeveri të re deri në fund të prillit. Shtyrja e pritjeve me një javë më vonë nënkupton se për formimin e kabinetit mbetet të kryhen akoma mjaft gjëra.

Programi i qeverisjes, të cilin negociatorët e nënshkruan gjatë javës së kaluar, duhet të zgjerohet nga 21 faqet e tanishme deri në 200. Nuk bëhet fjalë për bisedime të reja, por për saktësimin e detajeve, mirëpo edhe ato kërkojnë përpjekje të shumta. Vetë programi i qeverisjes nuk ka asnjë vlerë pa lidhjen e marrëveshjes së koalicionit, e cila me këmbënguljen e partisë GERB do të jetë për një mandat të plotë prej 4 vjetëve. Bisedimet për një marrëveshje të tillë duhet të fillojnë gjatë kësaj jave dhe pritjet janë që të përfundojnë shumë shpejt. Përsëri me një këmbëngulje nga ana e partisë GERB, dokumenti duhet të firmoset nga lideri i saj Bojko Borisov dhe nga liderët e të tri formacioneve të tjera, të cilat formojnë koalicionin Patriotë të Bashkuar – Valeri Simeonov (Fronti Kombëtar për Shpëtimin e Bullgarisë), Volen Siderov (“Ataka”) dhe Krasimir Karakaçanov (VMRO). Këmbëngulja e partisë GERB nuk është fare formale, por i nënshtruar idesë t’u shmangen situatave , të cilat kanë shënuar negativisht qeverisjen e mëparshëm të koalicionit, gjatë të cilës jo të gjitha pjesët përbërëse të Bllokut Reformator i përmbaheshin marrëveshjes së koalicionit dhe në momente të caktuara vepruan dhe si opozitë. Nga ana tjetër, me këmbëngulje të Patriotëve të Bashkuar, në marrëveshjen e koalicionit do të duhet të shkruhet si shtesë se, mbi të gjitha temat e rëndësishme të qeverisjes, çdo javë do të mblidhet këshilli drejtues i koalicionit. Natyrisht, në këtë mënyrë nacionalistët duan të mbrohen nga vendimet e njëanshme të partnerit të vet më të madh të koalicionit.

Shpërndarja e posteve ministrore dhe të zëvendëskryeministrave do të përcaktohet me hollësi në marrëveshjen e koalicionit dhe ndaj momenti të tanishëm është e qartë vetëm se, kryeministri i kabinetit do të jetë lideri i partisë GERB Bojko Borisov.

Sipas pjesës më të madhe të vëzhguesve, marrëveshjet bazë për krijimin e kabinetit “Borisov 3” tanimë janë të arritura me programin e firmosur për qeverisje dhe që këtu e tutje nuk mund të priten befasi të rëndësishme. Nuk ka edhe shenja se mund të zbatohen dhe problemet e parashikuara të partisë GERB në Evropë për shkak të koalicionit të saj me formacionet nacionaliste. Në pushtetin ekzekutiv në Bullgari përsëri do të dominojë një parti e djathtë konservative e njohur shumë mirë në Evropë, por e bashkuar kësaj radhe me një partner të koalicionit, i cili nuk është nga Partia Popullore Evropiane.

Ndryshimi i fundit nuk është përcaktues për suksesin ose mossuksesin e qeverisjes, sepse siç u pa gjatë kabinetit të mëparshëm të Borisovit, fakti se, që të dy partnerët e koalicionit i përkisnin familjes së Partisë Popullore Evropiane, nuk evitoi dështimin e tyre.

Përgatiti në shqip: Nataniela Vasileva

Më shumë nga rubrika
Matju Nimic shikon një shans të ri për arritjen e zgjidhjes së mosmarrëveshjes midis Maqedonisë dhe Greqisë.

Bullgaria nuk është palë në mosmarrëveshjen për emrin e Maqedonisë, por ka qëndrimin e vet

Që kur në vitin 1991 u shpall shtet i pavarur, Maqedonia ka probleme me njohjen e emrit të saj. Në kushtetutë ajo vetemërohet Republika e Maqedonisë, por Greqia imponoi veto mbi këtë emër dhe për këtë mosmarrëveshje edhe më sot në OKB-në dhe në..

botuar më 17-08-18 12.49.MD
100 ditë pas fillimit të qeverisjes kabineti miratoi programin e udhëheqjes deri në fund të mandatit të tij katër vjeçar.

Programi i udhëheqjes i qeverisë 2017-2021: me prioritet janë ekonomia, energjetika dhe turizmi

Tre muaj pas marrjes së pushtetit qeveria e tretë e Kryeministrit Bojko Borisov publikoi programin e vet të udhëheqjes deri në fund të mandatit katërvjeçar. Që gjatë ditëve të para të kabinetit të koalicionit mes GERB-it dhe partive nacionaliste,..

botuar më 17-08-14 2.58.MD
Seria e takimeve ballkanike të Ministres Zaharieva filloi me bisedimet me homologun e saj serb Ivica Daçiç.

Turneu ballkanik i Ministres Zaharieva tregoi “pritje të mëdha” nga Kryesia bullgare e BE-së

Turneu ballkanik i Ministres bullgare të punëve të jashtme Ekaterina Zaharieva, i cili filloi në gjysmën e dytë të korrikut, tashmë po përfundon. Pasi vizitoi Serbinë, Bosnjë e Hercegovinën, Shqipërinë dhe Maqedoninë, gjatë ditëve të ardhshme ajo..

botuar më 17-08-09 2.47.MD