Vëllezërit Vlladigerovi prezantojnë albumin e ri "The Rag Waltz Time"

Foto: wladigeroff.com

Vëllezërit Aleksandër dhe Konstantin Vlladigerovi prezantojnë në Bullgari muzikën e albumit të tyre më të ri “The Rag Waltz Time”. Koncerti i parë ishte në qytetin Stara Zagora në sallën e Bibliotekës Regjionale “Zaharij Knjazheski”. Pas kësaj vazhdojnë koncerte në qytetet Shumen dhe Pllovdiv. Më 23 prill të dy vëllezërit do të prezantojnë albumin në Sofje. Shumicën e pjesëve në album e krijoi Konstantini. Incizimet u bën në Sofje dhe në Vjenë, ku të dy binjakët jetojnë që prej dekadash.

Kur lind ndonjë ide, me çdo repeticion, me çdo koncert përpiqemi të pasurojmë dhe të zhvillojmë, përderisa vendosim, se është koha të incizojmë – tregon Konstantin Vlladigerov. – Në këtë album marrin pjesë 19 muzikantë. Përveç partnerëve të zakonshëm, ka kolegë, me të cilët pothuajse nuk kemi punuar në Vjenë. Për shembull me fyelltarin Nedjallko Nedjallkov për herë të parë bëjmë incizim. Për herë të parë bashkëpunojmë edhe me muzikantin Xhonatan Sas nga Nju Jorku.  Ftuam bateristin Maksimilian Mon dhe basistin Navid Xhavadi, me të cilët gjithashtu bëjmë incizime për herë të parë. Kompozicionin e parë në album e incizuam me saksofonistin Hristo Goleminov, nip i kompozitorit të njohur Marin Goleminov. Ai jeton në Portugali, por vjet dhamë disa koncerte me të në Bullgari. Prej kohe punojmë me një këngëtarë, fizarmonicist, pra një multi instrumentist nga Serbia – Bozhidar Radenkoviç. Ndër muzikantët e zakonshëm me të cilët punojmë janë Stojan Jankullovi, Vladimir Karparovi, Linda Mançeva – violonçel dhe Dimitër Karamitevi – kavall. Me këta muzikantë punojmë më shpesh.”

Do të kujtojmë, se trumbetari Aleksandër dhe pianisti Konstantin janë nip të kompozitorit të madh bullgar Panço Vlladigerov dhe birë të dirigjentit, kompozitor dhe pianist Aleksandër Vlladigerov.

Kemi fatin t’i gëzohemi dashurisë së familjes – rrëfen Aleksnadër Vlladigerovi. – Ata formuan botëkuptimin tonë nëpërmjet muzikës. Kjo në të vërtetë është një dhuratë Hyjnor dhe prej tyre. Gjyshi ynë gjithnjë lidhte mjetet shprehëse evropianoperëndimore me ritmet dhe meloditë bullgare. Kemi ide të incizojmë aranzhime tona të pjesëve të tij, të cilat kanë një karakter të xhazit. Në albumin e tanishëm përfshimë Vallen e tij Hyjnore, kompozuar në vitin 1932, kur gjyshi Panço Vlladigerov u kthye në Bullgaria nga Gjermania, ku mësonte dhe punonte. Krahas kësaj incizuam dhe një valle tipike bullgare – rëçenica, të kompozuar prej tij. Kësaj here në trio me motrën tonë Ekaterina. Ky është një projekt tjetër. Repertori i kësaj trioje mund të titullohet “Vlladigerovi i panjohur”, sepse ekzekutojmë vepra, të cilat Panço Vlladigerov, gjyshi, kompozoi kryesisht për Doutsches Theater në Berlin, si muzikë teatrore për shfaqjet e Maks Rajnhartit. Kështu fillojmë. Mezi tani do të shikojmë çfarë do të bëjmë. Është çështja e kohës dhe e frymëzimit. Krijimtaria e gjyshit Panço Vlladigerov është një burim i madh i ideve dhe i muzikës. Aranzhimi, të cilin e bëmë të Valles Hyjnore mban titullin Grande Dance En Rond. Shpresojmë që dëgjuesit do të pëlqejnë këtë ide.

Përgatiti në shqip: Svetllana Dimitrova

Më shumë nga rubrika

Dekorata më e madhe është publiku dhe ajo e cila përjetohet në sallë

Një instrumentist i shkëlqyer, kurse gjatë viteve të fundit dhe pedagog, Aleksandër Somov është mes muzikantëve më të njohur të rinj bullgarë. Nuk do të bëjmë gabim në qoftë se themi se është dhe mes “radio-fëmijëve” më të dashur, sepse incizimet..

botuar më 18-04-18 12.42.MD

Emrat nga e ardhmja e konkursit “Virtuozë të rinj”

Konkursi ndërkombëtar “Virtuozë të rinj-2018” u hap më 15 prill me koncert të Filarmonisë së Sofjes me dirigjent Najden Todorov. Soliste në program qe Sofia Mehonoshina. Klarinetistia e re e cila sapo ka bërë 14 vjeç, tanimë është mbajtëse e..

botuar më 18-04-16 1.49.MD

TromBobi për albumin e tij prej autori RUN dhe për projekte të tjera

Bozhidar Vasillev – TromBobi është trombonist dhe bijtmjekër.   Grupi i parë me të cilin fitoi popullaritet është SuthWick. Një projekt tjetër i suksesshëm në krijimin dhe realizimin e të cilit merr pjesë është DAYO. Para më se dy muajve ishte..

botuar më 18-04-15 3.15.MD