Çfarë tregojnë deklaratat e para në Legjislaturën e 44-të?

Foto: BGNES

Seanca e parë e Legjislaturës së 44-të, e cila u zhvillua më 19 prill, ishte jashtëzakonisht e shkurtër dhe pa befasi. Pohim për këtë është fakti se sot në shtyp ajo komentohet jo shumë gjerësisht. Nuk komentohet edhe kjo se Presidenti Rumen Radev nuk mbajti fjalim në Kuvend (diçka që bëhet zakonisht nga kreu i shtetit). Lideri i partisë së parë GERB Bojko Borisov nuk doli në tribunë dhe bile kjo nuk bëri një përshtypje të madhe. Duke mos pasur parasysh këto detaje të vogla, duhet thënë, se deklaratat e forcave politike në seancën e parë treguan disa tendenca.

Pavarësisht nga dallimet e tyre të shumta, të gjitha partitë janë dakord me këtë se Legjislatura e 44-të fillon punë në një moment tepër të ndërlikuar nga pikëpamja e politikës së jashtme dhe ka nevojë për punë të përbashkët për përgatitjen e kryesisë së ardhshme bullgare të Këshillit të Bashkimit Evropian gjatë gjashtë muajve të para të vitit 2018. Theksat u vendosën edhe mbi disa çështje të rëndësishme si rritja e pensioneve, domosdoshmëria për ndryshime në sferën e shëndetësisë dhe arsimit.

GERB pohoi se ka ndër mend që këtë herë të qeverisë shtetin gjatë tërë mandatit katër vjeçar. Zëvendëskryetari i partisë Cvetan Cvetanov tha se nuk do të lejohen veprime, të lidhura me forma të ndryshme të nacionalizmit të skajshëm. GERB dhe partneri i saj i ardhshëm koalicioni nga formacioni i “Patriotëve të Bashkuar” pohuan angazhimet e tyre për formimin e një qeverie të re, mirëpo e bënë këtë në një mënyrë skematike. Ndoshta kjo do të thotë se akoma nuk është arritur mirëkuptim të plotë. Bashkëkryetari i koalicionit të “Patriotëve të Bashkuar Valeri Simeonov nënvizoi se një nga prioritetet është deportimi i menjëhershëm i njerëzve që nuk kanë të drejtën të qëndrojnë tek ne dhe mospranimi i refugjatëve në shtet. Kjo temë nuk ishte prekur nga Cvetan Cvetanov. Simeonovi pohoi dhe pozitën e “patriotëve” kundër implementimit të sistemit mazhoritar zgjedhor në Bullgari – kjo tregon se për këtë çështje ka një mospërputhje të plotë mes partnerëve të ardhshëm të koalicionit qeveritar.

Liderja e Partisë Socialiste Bullgare Kornelija Ninova tha, se koalicioni i majtë “Partia Socialiste Bullgare për Bullgarinë” do të jetë një alternativë dhe opozitë e GERB-it, por tha gjithashtu, se do të përkrahë zhvillimin e suksesshëm të kryesisë sonë të Këshillit të Bashkimit Evropian vitin e ardhshëm. Kjo në mënyrë të tërthortë tregon, se deri në mesin e 2018-ës e majta nuk do të punojë për rrëzimin e qeverisë.

Lideri i Lëvizjes për të Drejtat dhe Liritë Mustafa Karadajë bëri thirrje që Bullgaria të ndahet me trashëgiminë e saj të rëndë të ndarjes dhe urrejtjes dhe të drejtohet tek krijimi i një shumice në bazë të vlerave të përbashkëta. Kështu ai dha që të kuptohet se Lëvizja është gati të punojë bashkë me qeverinë e re. Njëkohësisht Karadajë shpalli se kategorikisht është kundër ndryshimeve të legjislacionit zgjedhor të lidhura me imponimin e parimeve mazhoritare.

Lideri i partisë më të vogël “Volja” Veselin Mareshki i uroi qeverisjes së re që të jetë më efektive sesa ishin deritanishmet dhe kështu gjithashtu tregoj se është gati të përkrahë shumicën parlamentare.

Në fund mund të themi se fjalimet nga tribuna e Parlamentit në seancën e parë treguan se të paktën një vit e gjysmë Bullgaria do të ketë një qeveri të së qendrës së djathtë, të mbështetur nga përkrahje jo të qëndrueshme parlamentare. Për cilat çështje do të bashkëpunojnë forcat parlamentare dhe çfarë do të jetë çmimi i këtij bashkëpunimi do të kuptojmë pas aprovimit të qeverisë së koalicionit nga Kuvendi. Një mandat për formimin e kësaj qeverie Presidenti Rumen Radev do t’i dorëzojë liderit të partisë GERB Bojko Borisov javën e ardhshme.

Përgatiti në shqip: Jordanka Ivanova

Më shumë nga rubrika
Matju Nimic shikon një shans të ri për arritjen e zgjidhjes së mosmarrëveshjes midis Maqedonisë dhe Greqisë.

Bullgaria nuk është palë në mosmarrëveshjen për emrin e Maqedonisë, por ka qëndrimin e vet

Që kur në vitin 1991 u shpall shtet i pavarur, Maqedonia ka probleme me njohjen e emrit të saj. Në kushtetutë ajo vetemërohet Republika e Maqedonisë, por Greqia imponoi veto mbi këtë emër dhe për këtë mosmarrëveshje edhe më sot në OKB-në dhe në..

botuar më 17-08-18 12.49.MD
100 ditë pas fillimit të qeverisjes kabineti miratoi programin e udhëheqjes deri në fund të mandatit të tij katër vjeçar.

Programi i udhëheqjes i qeverisë 2017-2021: me prioritet janë ekonomia, energjetika dhe turizmi

Tre muaj pas marrjes së pushtetit qeveria e tretë e Kryeministrit Bojko Borisov publikoi programin e vet të udhëheqjes deri në fund të mandatit katërvjeçar. Që gjatë ditëve të para të kabinetit të koalicionit mes GERB-it dhe partive nacionaliste,..

botuar më 17-08-14 2.58.MD
Seria e takimeve ballkanike të Ministres Zaharieva filloi me bisedimet me homologun e saj serb Ivica Daçiç.

Turneu ballkanik i Ministres Zaharieva tregoi “pritje të mëdha” nga Kryesia bullgare e BE-së

Turneu ballkanik i Ministres bullgare të punëve të jashtme Ekaterina Zaharieva, i cili filloi në gjysmën e dytë të korrikut, tashmë po përfundon. Pasi vizitoi Serbinë, Bosnjë e Hercegovinën, Shqipërinë dhe Maqedoninë, gjatë ditëve të ardhshme ajo..

botuar më 17-08-09 2.47.MD