Qëllimi dhe detyra kryesore para Evropës është rivendosja e frymës së solidaritetit, qëllimit të përbashkët, fatit të përbashkët. Këtë e deklaroi presidenti i Partisë së Socialistëve Evropianë Sergej Stanishev në Konferencën Ndërkombëtare “Ku po shkon Evropa: Globalizmi kundër populizmit”, e cila u mbajt në Sofje. Me këtë forum u shënuan 10 vjet nga anëtarësimi i Bullgarisë në BE-në. Zoti Stanishev theksoi, se në një kohë të pasigurisë, indinjatës, kur shumë njerëz e ndjejnë veten të përjashtuar edhe nga shtetet e veta, reagimi i natyrshëm është që të rikthehen te familja, te shteti nacionalist, gjë që krijon një iluzion. Ai shtoi, se kur anohet te nacionalizmi kombëtar në fund të fundit humbin të gjithë. Sipas zotit Stanishev, në se nuk do të rimëkëmbet fryma e solidaritetit në BE-në asnjë reformë dhe asnjë institucion nuk do të jenë në gjendje të ndihmojnë.