Tema më e diskutuar sot në shtyp është hetimi i hapur nga Prokuroria kundër Kompanisë Elektrike Kombëtare. Sipas informacionit jozyrtar objekt i hetimit janë shërbimet avokatore për çështje gjyqësore, për të cilat janë lidhur marrëveshje me firma të jashtme, pavarësisht se kompania disponon me juristë të vet. Kështu shteti ka pasuar dëme të konsiderueshme financiare për pothuaj një milion leva. Sipas gazetës “Standard” kjo është bërë nëpërmjet 19 marrëveshjeve skandaloze, të lidhura me katër zyra avokatie. Shuma e saktë do të saktësohet në procesin e hetimit. Duke pasur parasysh fjalët e zëdhënëses së Prokurorit të përgjithshëm Rumjana Arnaudova, se Prokuroria “vepron sipas një grafiku të paracaktuar”, artikulli i gazetës “Sega”, kushtuar kësaj teme, është “Prokuroria hyri në Kompaninë Elektrike Kombëtare “sipas grafikut”. “Dnevnik” komenton se aksioni i Prokurorisë vjen vetëm dy ditë pasi ajo hapi një hetim penal për abuzim me detyrë kundër zyrtarëve nga Komisioni Rregullator të Energjisë dhe të Ujit. “Trud” pohon se në fakt ky është aksioni i tretë i  tillë i Prokurorisë që nga fillimi kësaj jave. Po kontrollohet edhe puna e Agjencisë “Infrastruktura Rrugore”. “Sega” informon se Ministria e Energjetikës refuzon komente për vizitën e Prokurorisë në Kompaninë Elektrike Kombëtare. Gazetat shkruajnë se lideri i partisë GERB dhe kryeministri i ardhshëm Bojko Borisov i ka përshëndetur aksionet e Prokurorisë dhe i ka krahasuar ato me ashtuquajturin “model rumun të luftimit të korrupsionit”. “Të gjithët e donim modelin rumun – ky është ai. Kur zgjohesh në mëngjes të dëgjosh të cilin e hetojnë. Të ketë më shumë veprime, sesa fjalë dhe dyshime për korrupsion. Duhet të zhvillohen kontrollime në të gjitha institucionet dhe atje, ku ka dyshime duhet të hapen hetime” – janë fjalët e Borisovit.

Përpiloi: Stoimen Pavllov

Përgatiti në shqip: Jordanka Ivanova