Afro dy të tretat e bullgarëve mendojnë, se bashkatdhetarët tanë, pasi vajtën të jetojnë jashtë shtetit sipas shkaqeve ekonomie, e kanë të drejtën të votojnë për institucione bullgare, sepse investojnë para në vend. Këtë qëndrim e mbrojnë 63.9 për qind prej të anketuarve nga Agjencia Sociologjike “Gallëp Interneshënëll”. Afro një e treta – 33.4 për qind janë të mendimit, se bullgarët të cilët ikën të jetojnë jashtë shtetit për arsye ekonomike, nuk e kanë të drejtën të votojnë, sepse zgjedhja e tyre angazhon ata të cilët jetojnë në Bullgari. Nga ana tjetër, 61.2 për qind prej të anketuarve përkrahin t’i jepet fund votimit të shtetasve bullgarë nga Turqia në zgjedhjet bullgare. 63.5 për qind mendojnë, se pas referendumit në Turqi ka rrezik për Bullgarinë. 30.9 për qind kanë një qëndrim të kundërt.