Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Gjermania u shpall kundër ndryshimit të kufijve në Ballkan

СнимкаAmbasadori i Gjermanisë në Serbi Aksell Ditman caktoi si të rrezikshme apelet për ndryshimin e kufijve në Ballkan. Në një intervistë për botimin e Beogradit “Novosti” ambasadori theksoi, se kjo është pozita edhe e BE-së. Deklarata e ambasadorit erdhi menjëherë pasi homologu i tij amerikan në Beograd Kajëll Skot tha, se qeveria e SHBA-së nuk përkrah krijimin as të “Shqipërisë së Madhe”, as të “Serbisë së Madhe”. Lidhur me deklaratat e ish diplomatit amerikan dhe ish udhëheqës i misionit të Organizatës për Sigurim dhe Bashkëpunim në Evropë në Kosovë Uiljam Uokër, se ka “një plan për bashkimin e shqiptarëve”, Kajëll Skot tha tekstualisht: “Zoti Uokër është një person privat. Ai mund të flasë atë që dëshiron... Atë, të cilën e di unë është, se qeveria amerikane punon për stabilitetin e rajonit”.

Gjykata greke vendosi, se shkurtimet e pensioneve është një akt i paligjshëm

СнимкаKëshilli Shtetëror i Auditimit në Greqi vendosi, se shkurtimet në pensionet kryesore dhe suplementare, të cilët qeveria greke dhe kreditorët e saj kontraktuan, shkelin Konventën Evropiane për të Drejtat e Njeriut. Këtë e shkruan botimi elektronik Ekathimerini. Pritet, që projektligji për shkurtimet e pensioneve dhe për aplikimin e masave të tjera, të kontraktuara me kreditorët, të votohet në parlament javën e ardhshme.

Presidenti i Maqedonisë refuzoi të japë mandat për formimin e qeverisë

СнимкаPresidenti i Maqedonisë George Ivanov prapë kërkoi, që lideri i Bashkimit Socialdemokratik Zoran Zaev “bashkë me partnerët e koalicionit publikisht të japë garanci për konsolidimin e unitetit të shtetit dhe për respektimin e Kushtetutës së Maqedonisë”. Lidhur me këmbënguljen e kryetarit të parlamentit Talat Xhaferi presidenti t’i dorëzojë Zaevit mandat për formimin e një qeverie të re, zoti Ivanov deklaroi, se mbetet në pozitën, se as e ashtuquajtura “Platforma Shqiptare” dhe as ndonjë dokument tjetër ose veprim kundër Kushtetutës, mund të jenë kusht, të paktën bazë, për formimin dhe për punën e qeverisë së Maqedonisë”.

Pa dasma dhe pa rroga në Maqedoni pas datës 15 maj

СнимкаNë se nuk do të bëhet ndryshim ligjor, pas datës 15 maj në Maqedoni puna e pushtetit vendor do të ndalet plotësisht. Kjo është data, në të cilën përfundon mandati i kryetarëve të tanishëm të bashkive dhe të këshilltarëve bashkiakë në vend. Për shkak të krizës politike dhe parlamentare, nuk u caktuan zgjedhje të reja për pushtet lokal. Kryetari i bashkisë së Shkupit Koce Trajanovski, i cili është edhe kryetar i Asociacionit të Pushtetit Vendor, paralajmëroi, se pas përfundimit të mandatit të tanishëm, pushteti vendor nuk do të jetë në gjendje të plotësojë detyrimet e tij. Janë nën pikëpyetje puna e zjarrfikësve, lejet për ndërtim, rrogat e administratës bashkiake, edhe puna e dikasterit të martesave civile.

Mali i Zi mund të bëhet anëtar i NATO-së më 5 qershor

Kryeministri malazez Dushko Markoviç (majtas) dhe sekretari amerikan i shtetit Reks Tillërsën Foto: BTAKryeministri malazez Dushko Markoviç tha pas një takimi me sekretarin amerikan të shtetit Reks Tillërsën, se Mali i Zi do të bëhet zyrtarisht anëtar i NATO-së më 5 qershor. Në takim u diskutuan marrëdhëniet dypalëshe, situatën në Ballkanin Perëndimor, në BE-në dhe në Këshillin e Evropës. Bashkëbiseduesit ranë dakord, se liderët ballkanikë mbajnë përgjegjësinë për gjetjen e vizionit të Ballkanit, i cili duhet të jetë evropian dhe evroatlantik. U diskutua edhe presioni rus mbi Malin e Zi dhe prania e fortë e Moskës në rajonin e Ballkanit Perëndimor.

Përpilues:Stoimen Pavllov

Përgatiti në shqip: Svetllana Dimitrova

Fotografi: BGNES

Më shumë nga rubrika

Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-29 1.10.MD

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD