Bullgaria tashmë do të ketë përfaqësues të saj në KE

Foto: arkiv

Që në mbledhjen e saj të parë qeveria e re e Bojko Borisovit nominoi për eurokomisionar eurodeputeteten Maria Gabriel. Resori i saj ende nuk dihet, por pritet që të shpallet javën tjetër. Kandidatura e saj do të votohet nga Parlamenti Evropian, por që tani flitet se shanset e saj janë shumë të mira. Siç duket, Bullgaria së shpejti do të ketë përfaqësues të saj në Komisionin Evropian dhe do të dalë nga situata e pakëndshme.

Vendi ynë mbeti pa eurokomisionar pasi bullgarja Kristalina Georgieva u tërhoq nga posti i zëvendëskryetares së KE-së dhe të eurokomisionares së buxhetit dhe resurseve njerëzore, që të zërë një postë tjetër të përgjegjshëm në Bankën Botërore. Ky akt, i cili sipas disa analizatorëve është pa precedent, jo vetëm e privoi Bullgarinë nga mundësia që një përfaqësues i saj të udhëheqë një prej resorëve më të rëndësishëm në BE, por edhe e vendosi në një gjendje të pakëndshme, në të cilën ajo të jetë pa përfaqësues të saj në komision në vigjilje të kryesisë bullgare të Këshillit të BE-së sipas parimit të rotacionit. Vetë komisioni gjithashtu pësoi disa negativa, sepse pas largimit nga detyra të Kristalina Georgievës nga resori i “buxhetit dhe resurseve njerëzore” duhej të zhvendoseshin disa persona të tjerë në resorët e tjerë.

Në kontekstin e këtyre rrethanave nominimi i Maria Gabrielit për eurokomisionare mund të konsiderohet gjithashtu si normalizim i kryesisë bullgare në organet udhëheqëse të KE-së. Siç duket i tillë është mendimi edhe i Brukselit, pasi për shpejtimin e nominimit nguli këmbë personalisht kryetari i Komisionit Zhan-Klod Junker para kryeministrit Borisov. Shanset për zgjedhjen e eurokomisionares së re bullgare duken shumë të mira që para se të kenë filluar procedurat formale në këtë drejtim. Kryetari i Partisë Popullore Evropiane në Parlamentin Evropian Manfred Veber përshëndeti qeverinë për zgjedhjen e saj. Resori i Maria Gabrielit ende nuk dihet, por flitet jozyrtarisht se ajo do të përgjigjet për digjitalizimin. Zëvendëskryetari i KE-së Andrus Ansip, i cili e mori këtë resor pasi gjermani Gjunter Jotinger u ngarkua me përgjegjësitë e Kristalina Georgievës pas tërheqjes së saj nga posti, komentoi se do të jetë mirë në qoftë se eurokomisionari bullgar përgjigjet pikërisht për çështjet e digjitalizimit. Nga fjalët e tij u nënkuptua se tashmë ka qëndrime paraprake.

Derisa në Bruksel reaksionet duken pozitive, në Sofje tani për tani ato janë të ndryshme. Partneri i vogël në qeverisjen e vendit – koalicioni “Patriotët e Bashkuar”, e përshëndeti GERB-in për zgjedhjen e tij duke shtuar se Maria Gabriel është një njeri i ri dhe ambicioz, e cila në të njëjtën kohë ka përvojë të pasur si eurodeputete dhe mund të ndërmarrë përgjegjësi të ndryshme. Mirëpo, në opozitën e majtë ka rezerva ndaj resorit eventual. Socialistët janë të mendimit se “digjitalizimi” është larg peshës së përgjegjësive, me të cilat ishte ngarkuar para kësaj Bullgaria. Nga ana e vet Lëvizja për të Drejtat dhe Liritë vuri në dukje se ajo do ta përkrahë kandidaturën e pushtetarëve, por dëshiron që të sqarohet “me sa dhe si Këshilli i Ministrave është i përgjegjshëm për faktin se rreth 9 muaj Bullgaria nuk ka komisionar evropian”.

Mirëpo, në fund të fundit këto mendime të ndryshme mbi këtë temë i përkasin politikës së brendshme të vendit. Është e qartë se opozita do ta përkrahë kandidaturën e re bullgare për eurokomisionare, ashtu siç tashmë premtoi për ta përkrahur kryesinë bullgare të Këshillit të BE-së gjatë gjysmës së parë të vitit tjetër.

Përgatiti në shqip: Vesella Mançeva

Më shumë nga rubrika
Zv.Kryeministrja për reformën në drejtësi dhe Ministrja e punëve të jashtme Ekaterina Zaharieva dhe Ministri i punëve të jashtme Ditmir Bushati

Bullgaria dhe Shqipëria – kronologjia e një miqësie

Në rendin e ditës të marrëdhënieve dypalëshe ndërmjet Bullgarisë dhe Shqipërisë sot me prioritet janë realizimi i potencialit tregtar dhe ekonomik, zhvillimin i infrastrukturës dhe lidhjeve dhe bashkëpunimi në fushën e energjetikës. Fakti se..

botuar më 18-02-14 1.59.MD

Efektet e Strategjisë së re evropiane për Ballkanin Perëndimor mbi Presidencën Bullgare të Këshillit të BE-së

Bashkimi Evropian tashmë shpalli Strategjinë e vet për zgjerim në drejtim të Ballkanit Perëndimor. Ajo pohon perspektivën evropiane të shteteve nga rajoni dhe përcakton afate konkrete kohore, brenda të cilave proceset e aderimit mund të zhvillohen..

botuar më 18-02-07 4.08.MD

Erhard Busek: Jemi duke fjetur, pa punuar për të ardhmen e Evropës

Në Sofje u zhvillua takimi i parë në nivel ekspertësh nga kalendari i Presidencës Bullgare të Këshillit të Bashkimit Evropian për regjionin e Danubit. “Strategjia e Danubit” e Bashkimit Evropian fillon në fitin 2011, mirëpo edhe tani është pak e..

botuar më 18-02-06 3.47.MD