Koncert në kujtim të pedagogut të violinës Petër Arnaudov

Foto: arkiv personal

“Qafore e Kristaltë” – dallimi më i lartë i Lidhjes së Aktivistëve Muzikorë dhe të Vallëzimit iu dha pas vdekjes së pedagogut shumëvjeçar të violinës Petër Arnaudov. Vite me radhë ai ishte zëvendës drejtor i shkollës Kombëtare Muzikore “Ljubomir Pipkov” në Sofje. Nxënës të tij mbërritën nga larg për të marrë pjesë në koncertin e organizuar në sallën “Bëllgarija”. Biljana Vuçkova u kthye për disa orë nga Berlini, ndërsa nga Greqia erdhën dy mjeshtrit të koncerteve të Orkestrës Shtetërore të Selanikut – Andonis Susamogllu dhe Simos Papanas. Në koncert u përfshi edhe duoja me violina Angell Stankov dhe Josif Radionov.

Petër Arnaudovi ishte një ekzekutues i mrekullueshëm. Me rëndësi të madhe ishte edhe veprimtaria e tij si pedagog – theksoi profesori Angell Stankov. – Mezi tani do të analizohen 60 vitet, të cilat ai i kushtoi për të arsimuar muzikantë të rinj.

Angell Stankov (majtas) dhe Josif RadionovPetër Arnaudovi lindi në vitin 1924 në Sofje. Ai është bir i folkloristit të njohur bullgar, akademikut Mihaill Arnaudov. Mësoi violinë te profesori Vlladimir Avramov dhe profesori Petër Hristoskov. Nga viti 1988 deri në vitin 1996 ishte pedagog në Selanik, ku në një periudhë jetonte edhe Vanja Millanova – nxënësja e tij me më shumë suksese, mbajtëse e çmimeve të konkurseve “Mbretëresha Elizabet” (Belgjikë), “Paganini” (Itali) dhe “Çajkovski” (Rusi).

Simos PapanasTë gjithë të cilët e njihnin muzikantin Petër Arnaudov, mbajnë mend për një njeri të buzëqeshur dhe pozitiv. Nxënësit e respektonin, megjithëqë ishte një pedagog i rreptë dhe me kërkesa të larta. Për të Simos Papanas kujton:

Jam nxënës i pedagogut Petër Arnaudov. Mund të them, se ai ishte njeriu, për të cilin unë zgjodha të bëhem muzikant. Kur ai erdhi në Greqi, ishim fëmijë dhe sikur nuk e kishim të qartë, sa i madh ishte ai jo vetëm si muzikant, por edhe si njeri. Ai na përqafoi dhe e vetmja gjë, të cilën e kërkoi prej nesh ishte të jemi jo vetëm nxënës të mirë, por edhe njerëz të mirë. Gjatë tërë karrierës sime si muzikant, kur po përgatitem për ndonjë koncert, dëgjoj zërin e tij. Kujtoj të gjitha këshillat e tij. Ai më formoi si personalitet dhe mund të them se më ndryshoi jetën.

Antonis SusamoglluJa edhe kujtimet e një nxënësi tjetër të pedagogut Petër Arnaudov:

Quhem Antonis Susamogllu dhe gjithashtu jam koncert mjeshtër i Orkestrës Shtetërore të Selanikut. Edhe unë isha nxënës i pedagogut Petër Arnaudov në Selanik. Qyteti ynë mban lidhje shumëvjeçare me Sofjen në sferën e arsimit muzikor. Në sajë të një plejade pedagogësh bullgarë, ndër të cilët edhe Petër Arnaudovi, në qytetin tonë zhvillohej arsimi muzikor. Ai dallohej me metodat e edukimit dhe me dhurimin. Ai arrinte të na siguronte se hapat e ardhshëm do të jenë më të lehtë, gjë që na ndihmonte të formojmë sedrën tonë.

Petër Arnaudov, Teodora Atanasova dhe Simeon ZllatkovNë fund të koncertit publiku dëgjoi një nga nxënësit më të rinj të muzikantit Petër Arnaudov – Aleksandër Ivanov. Bashkë me violonçelisten Teodora Atanasova dhe pianistin Simeon Zllatkov ekzekutuan “Trion Elegjiake” nga Rahmaninovi.

Përgatiti në shqip: Svetllana Dimitrova

Fotografitë janë ofruar nga organizatorët e koncertit

Më shumë nga rubrika

Njeriu i cili e gjente energjinë e vet në muzikë

Pedagog, ekzekutues, kompozitor, profesori doktor Dobri Paiev është një nga figurat më të rëndësishme në historinë tonë muzikore. Më 22 prill në Sallën “Bëllgarija” është koncerti i madh kushtuar përvjetorit të 90-të të lindjes së tij. Admiruesit..

botuar më 18-04-22 1.50.MD
“Diagonal”

Programi i Festivalit Ndërkombëtar ppIANISSIMO

Festivali Ndërkombëtar për Muzikë Moderne për piano ppIANISSIMO u hap më 13 prill me recital për piano “të parapërgatitur” të pianistit Rikardo Diskalco (Spanjë). Pas kësaj publiku pati mundësi të dëgjojë koncertin xhaz të Dejvid Hellbok trios nga..

botuar më 18-04-21 12.05.MD

Dekorata më e madhe është publiku dhe ajo e cila përjetohet në sallë

Një instrumentist i shkëlqyer, kurse gjatë viteve të fundit dhe pedagog, Aleksandër Somov është mes muzikantëve më të njohur të rinj bullgarë. Nuk do të bëjmë gabim në qoftë se themi se është dhe mes “radio-fëmijëve” më të dashur, sepse incizimet..

botuar më 18-04-18 12.42.MD