Gjendja e industrisë ushtarake në Bullgari po përmirësohet

Foto: BGNES

Gjatë javës së kaluar u bë e ditur, se po përmirësohen rezultatet e shoqatave shtetërore të industrisë ushtarake bullgare. Gazeta “Kapitall” njoftoi, se kjo u detyrohet më në veçanti konflikteve ushtarake në rajone, ku janë tregjet kryesore për prodhuesit bullgarë të prodhimit special. Kompanitë private nga sektori akoma nuk botuan raportet për vitin e kaluar dhe për fillimin e këtij viti, por gazeta supozon, se edhe rezultatet e tyre do të jenë të ngjashme, sepse po ato fakte ndikojnë edhe mbi to. Prodhuesi më i madh shtetëror në industrinë ushtarake – ndërmarrja “Uzinat e Makinëndërtimit të Vazovit” në Sopot, disa vite më parë ishte para falimentimit, ndërsa gjatë vitit 2016 shtoi të ardhurat katër herë. Përveç se llogarit një rritje të konsiderueshme të të ardhurve dhe të fitimit gjatë vitit të kaluar, ndërmarrja punësoi më se 1000 punëtorë të rinj. Në se gjykohet për nga rritja e trefishtë të shpenzimeve për materiale, porositë janë të rritur në mënyrë të konsiderueshme. Tregje kryesore të Uzinave janë Lindja e Mesme, India, Afrika e Veriut, ish shtetet socialiste dhe ish republikat sovjetike.

Ndërmarrja Shtetërore Tregtare “Kinteks” rikthen pozitat e mira në Indi, shton eksportin për Algjerinë dhe mban pozitat kyçe në Etiopi. Për shkak të disa pagesave të vonuara nga e kaluara, të ardhurat e ndërmarrjes “Kinteks” gjatë tremujorit të parë të këtij viti janë më të larta se sa ato për tërë vitin 2016.

Një rritje e të ardhurve për vitin e kaluar dhe për këtë vit evidenton edhe prodhuesi i pajisjeve policore dhe ushtarake NITI – Kazanllëk. Lidhur me rezultatet e kësaj ndërmarrje gazeta “Kapitall” thekson, se bumi në prodhimin ushtarak vitet e fundit ashpërsoi konkurrencën e saj me prodhuesin privat “Arsenall” për punësim dhe u bë shkak për sigurimin e shpërblimeve më të larta.

Informacioni i gazetës “Kapitall” për gjendjen e mirë të sektorit shtetëror në industrinë ushtarake përputhet me disa deklarata të anëtarëve të kabinetit të ri. Lidhur me qëndrimin e qeverisë që privatizimit në Bullgari t’i jepet fund, ministri i financave Vlladisllav Goranov siguroi, se qeveria do të menaxhojë shoqatat shtetërore nga Kompleksi Ushtarako Industrial ashtu, që ato të realizojnë rezultate më të larta. Zëvendës kryeministri Tomisllav Donçev shtoi, se do të shfrytëzohen të gjitha shanset për zhvillim suplementar të industrisë mbrojtëse.

Me materiale nga shtypi, redaktor: Stoimen Pavllov

Përgatiti në shqip: Svetllana Dimitrova
Më shumë nga rubrika

Bullgaria është e katërta në BE për nga të ardhurat nga emigrantët

Gjatë 15 viteve të fundit 1 mln bullgarë janë nisur për të punuar jashtë shtetit, deklaroi Ministri i Punës dhe Politikës Sociale Biser Petkov, cituar nga gazeta “Standard”. Gjatë vitit 2016 ata u kanë dërguar të afërmve në atdhe gjithsej 869 mln euro...

botuar më 17-11-22 11.03.PD

Centrali atomik i dytë i Bullgarisë është i mundshëm, por me kushte të caktuara

A do të ketë një central të dytë atomik në Bullgari? Kjo është një pyetje, për të cilën akoma s’ka një përgjigje të qartë dhe këtë përgjigje e kërkojmë tashmë 30 vjet. Shkencëtarët nga Akademia Bullgare e Shkencave e dhanë mendimin e tyre në bazë..

botuar më 17-11-17 2.55.MD

Biznesi shënoi sfidat, me të cilat ndeshet në vigjilje të presidencës bullgare të Këshillit të BE-së

Në Sofje u zhvillua një forum kombëtar i biznesit me temë “Sfidat dhe mundësitë para biznesit gjatë presidencës bullgare të Këshillit të BE-së”. Mikpritësi i tij ishte Shoqëria për ndihmë të biznesit të vogël dhe të mesëm – Klubet e bashkuara të..

botuar më 17-11-17 2.17.MD