Në Bruksel ministrja Zaharieva demonstron konsekuencë në marrëdhëniet me BE dhe NATO

Para Federica Mogherinit, Ministrja bullgare ripohoi pozitën e Sofjes, se BE-ja duhet të dërgojë mesazhe të unifikuara për çështjet e politikës së jashtme.
Foto: mfa.bg

Në praktikën politike të Bullgarisë tashmë është traditë që secili ministër i jashtëm më parë ta vizitojë Brukselin. Kështu bëri dhe Ekaterina Zaharieva, e cila më 15 dhe 16 maj bisedoi me Kryetarin e Këshillit Evropian Donald Tusk, me diplomaten numër një të Komisionit Evropian Federica Mogherini, me Zëvendëskryetarin e Parë të Komisionit Evropian Franc Timmermans dhe me Komisionarin evropian për çështjet e zgjerimit Johannes Hahn. U zhvillua dhe takimi i saj me Sekretarin e Përgjithshëm të NATO-së Jens Stoltenberg. Kështu në kuadrin e një vizite Ministrja e punëve të jashtme komunikoi me kryetarët kryesorë të BE-së dhe NATO-së, me të cilët ajo do të bashkëpunojë në të ardhmen.

Duket se objektivi kryesor i bisedimeve të Ministres së jashtme ishte që të pohojë orientimin konsekuent evropian dhe euroatlantik të politikës së qeverisë së re “Borisov 3”. Konsekuenca është diçka që vlerësohet lartë nga partnerët tanë jashtë shtetit dhe nuk është e rastit se Kryetari i Këshillit Evropian Donald Tusk shprehu kënaqësi për këtë se do të vazhdojë të punojë me qeverinë e re të Bojko Borisovit, kështu siç ka punuar deri tani me kabinetin e mëparshëm. Një sinjal për konsekuencë dhanë edhe bisedimet e Ministres Zaharieva me përfaqësuesen e Evropës për politikën e jashtme dhe për politikën e sigurisë Federica Mogherini për çështjet aktuale ndërkombëtare, përfshin edhe situatën në Ukrainë dhe Maqedoni. Ministrja bullgare përsëriti pozitën e Sofjes, se BE-ja duhet të dërgojë mesazhe të unifikuara për çështjet e politikës së jashtme. Në seancën e Këshillit “Çështje të Përbashkëta” për problemet e migracionit, sigurisë dhe mbrojtjes, punësimit, rritjes dhe konkurrueshmërisë, Zaharieva nënvizoi se ka nevojë për unanim. Për sa u përket proceseve të migracionit, Sofja vazhdon të mendojë se Bashkimi Evropian duhet të vazhdojë ta vëzhgojë njëkohësisht situatën në Mesdheun Qendror dhe në Mesdheun Lindor. Ai duhet të reformojë Sistemin e Përbashkët Evropian për ofrimin e strehimit kështu, që të garantohet solidariteti dhe përgjegjësia e përbashkët e të gjitha shteteve anëtare.

Në lidhje me mbrojtjen e përbashkët evropiane, në seancën e Këshillit të Politikës së Jashtme dhe Sigurisë Ekaterina Zaharieva tha se ajo nuk duhet të jetë vetëm një përsëritje e politikës së NATO-së, por duhet të funksionojë si një mënyrë për përmirësimin e kapacitetit mbrojtës të BE-së. Ministrja shpjegoi se po pret se së shpejti do të arrihet mirëkuptim për krijimin e organeve të përbashkëta të mbrojtjes evropiane.

СнимкаSigurimi ishte theksi i bisedimeve të Ministres së re të jashtme me Sekretarin e Përgjithshëm të NATO-së Jens Stoltenberg. Zaharieva pohoi dhe Stoltenbergu përshëndeti perspektivën e shpallur nga ana bullgare për rritjen e investimeve kombëtare në sektorin e mbrojtjes deri më 2% prej PBB-së. Ishte pohuar dhe interesi reciprok për çështjet e sigurisë në rajonin e Detit të Zi, për bashkëpunim në luftimin e terrorizmit dhe për koordinim midis NATO-së dhe BE-së.

Para pak kohe mesazhe të ngjashme për konsekuencë në politikën bullgare në marrëdhëniet me BE dhe NATO dërgoi dhe Presidenti i ri Rumen Radev. Kështu gjatë dy ditëve të fundit në kryeqytetin belgjik u bë e qartë se në Bullgari ka konsensus institucional për çështjet e politikës evropiane dhe euroatlantike.

Përgatiti në shqip: Jordanka Ivanova

Më shumë nga rubrika

Ambasada e Republikës së Kosovës në Sofje kremtoi 10 vjetorin e Pavarësisë

Ambasada e Republikës së Kosovës ne Sofje ka shënuar 10 vjetorin e Pavarësisë, me organizimin e një pritje solemne te cilën me praninë e tyre e kanë nderuar shumë Ambasadorë e diplomatë të vendeve mike të Kosovës, drejtues e zyrtarë të..

botuar më 18-02-22 1.38.MD
Zv.Kryeministrja për reformën në drejtësi dhe Ministrja e punëve të jashtme Ekaterina Zaharieva dhe Ministri i punëve të jashtme Ditmir Bushati

Bullgaria dhe Shqipëria – kronologjia e një miqësie

Në rendin e ditës të marrëdhënieve dypalëshe ndërmjet Bullgarisë dhe Shqipërisë sot me prioritet janë realizimi i potencialit tregtar dhe ekonomik, zhvillimin i infrastrukturës dhe lidhjeve dhe bashkëpunimi në fushën e energjetikës. Fakti se..

botuar më 18-02-14 1.59.MD

Efektet e Strategjisë së re evropiane për Ballkanin Perëndimor mbi Presidencën Bullgare të Këshillit të BE-së

Bashkimi Evropian tashmë shpalli Strategjinë e vet për zgjerim në drejtim të Ballkanit Perëndimor. Ajo pohon perspektivën evropiane të shteteve nga rajoni dhe përcakton afate konkrete kohore, brenda të cilave proceset e aderimit mund të zhvillohen..

botuar më 18-02-07 4.08.MD