Komisioni Evropian i paraqiti rekomandimet e tij për politikën ekonomike të vendeve-anëtare, përfshi këtu edhe ato për Bullgarinë, në kuadrin e Semestrit Evropian 2017. Pritjet janë që Sofja ta respektojë Paktin për Stabilitet dhe Rritje, si gjatë 2017-ës, ashtu dhe gjatë 2018-ës, gjë që është një sinjal pozitiv ndaj investitorëve. Që të arrihet një rritje e qëndrueshme ekonomike dhe të përmirësohet standardi i jetesës i qytetarëve bullgarë, Bullgarisë i jepen rekomandime për ta shpejtuar programin e vet për reforma strukturore. KE-ja konstaton përparimin e arritur në forcimin e sistemit bankar, por mendon se ka nevojë për më shumë punë, që të përballohen të metat e tjera në sektorin financiar, si për shembull niveli i lartë i kredive të papaguara. Sipas KE-së përmirësimi i grumbullimit të tatimeve dhe i respektimit të legjislacionit tatimor, si dhe pakësimi i përmasës së ekonomisë joformale janë masa, të cilat mund ta bëjnë ekonominë bullgare më tërheqëse dhe ta rritin besimin ndaj saj.