Në zbatim të traditës sipas së cilës çdo vit Kreu i Shtetit të Kishës Rimokatolike jep audiencë te përfaqësues të Bullgarisë me rastin e Ditës së Shkrimit dhe Kulturës Sllave, Presidenti Rumen Radev u prit nga Papa Francisk. Radev i dhuroi Papës një ikonë të Vëllezërve të Shenjtë Kirill dhe Metodij, të cilët sipas kishës katolike janë gjithashtu patronë të Evropës. Pas audiencës ai u prit edhe nga sekretari i shtetit i Vatikanit, kardinali Pietro Parolin. Kreu i Shtetit dhe delegacioni i kryesuar nga ai vunë kurora para monumentit të Ivan Vazovit dhe të Vëllezërve të Shenjtë Kirill dhe Metodij. Pritet që të vizitojnë bazilikën “San Clemente”, si dhe bazilikën “Santa Maria Maggiore”, ku gjatë shekullit të IX Papa Adrian II e bekoi alfabetin bullgar, librat bullgarë dhe veprën e vëllezërve të shenjtë Kirill dhe Metodij. Delegacioni do ta vizitojë gjithashtu tempullin “Shën Pavli ala Regola”, ku me vendim të Vatikanit Kisha Ortodokse Bullgare i shërben meshat e veta.