Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

BE-ja pohon perspektivën evropiane të Ballkanit Perëndimor

Kancelarja gjermane Angela Merkel, Presidenti francez Emmanuel Macron dhe Kryeministri italian Paolo Gentiloni në kohën e samitit. / Fotografi: BGNES

Në Trieste të Italisë, në samitin e BE-së me Ballkanin Perëndimor, kancelarja gjermane Angela Merkel shpalli se Bashkimi Evropian duhet ta afrojë regjionin “Ngadaltë, mirëpo në një mënyrë të sigurt” ndaj anëtarësisë në BE. Sipas fjalëve të Merkelit “stabiliteti politik i regjionit do të thotë stabilitet politik edhe për Bashkimin Evropian”. Analogjike është pozita e kancelarit austriak Kristian Kern, i cili tha se Ballkani Perëndimor “nuk është oborri pas shtëpisë, mirëpo është dhoma e ndjenjies e Evropës” dhe duke folur për përballimin e situatës së migrantëve, shtetet e rajonit japin shembuj të mirë.


Banka Evropiane e Investimeve do të investojë akoma 3,5 mlrd. euro në Ballkanin Perëndimor

Fotografi: rs.n1info.com

Banka Evropiane e Investimeve (BEI) parashikon të sigurojë 3,5 mlrd. euro suplementare për projekte infrastrukturore në Ballkanin Perëndimor gjatë tri viteve të ardhshme. Pothuaj gjysma prej tyre do të investohen në Serbi. Këtë shpallje e bëri për agjencinë “Tanjug” udhëheqësja e Kancelarisë së BEI-së për Ballkanin Perëndimor Dubravka Negre. Mjetet financiare do të përdoren kryesisht për projekte  të lidhura me infrastrukturën rrugore dhe hekurudhore.


Greqia kritikoi Gjermaninë për shkak të Maqedonisë

Michael Rot / Fotografi: BGNES

Në lidhje me komentet e Sekretarit Shtetëror Gjerman për çështjet evropiane Michael Rot pas bisedimeve të tij në Shkup me ministrin maqedonas të punëve të jashtme Nikolla Dimitrov, Ministria greke e Punëve të Jashtme i drejtoi thirrje politikanit gjerman që “të jetë më i vëmendshëm kur viziton shtetet ballkanike”, duke evituar dhënien e mësimeve në fushën e historisë dhe duke respektuar më shumë ndjeshmërinë e partnerëve të tij evropianë. Arsyeja për këtë reagim ishte pohimi i Michael Rot-it se askush jashtë Maqedonisë dhe Greqisë nuk e kupton kontestimin e emrit të Maqedonisë, “i cili është absurd” dhe se “duhet t’ua lëmë historinë historianëve dhe të ecim përpara ndaj së ardhmes sonë evropiane”.


Opozita maqedonase kërkon debate parlamentare për Traktatin e Fqinjësisë së Mirë me Bullgarinë

Fotografi: arkiv

Deputetët e partisë opozitare VMRO-DPMNE të premten do të kërkojnë nga qeveria diskutime parlamentare të informacioneve për Traktatin e Fqinjësisë së Mirë në mes të Maqedonisë dhe Bullgarisë. Sipas këtij formacioni opozitar Traktati duhet të nënshkruhet vetëm me kusht se ai nuk do të shkelë interesat shtetërore të Maqedonisë.


Erdogani shpalli se Turqia s’ka nevojë për BE-në

Fotografi: BGNES

Ankaraja do të nxjerrë një psherëtimë lehtësimi, në se BE-ja do të vendosë të heqë dorë nga pranimi i Turqisë, tha Presidenti Rexhep Erdogan në një intervistë për BBC. Sipas tij shumica e qytetarëve të Turqisë nuk dëshirojnë aderimin e shtetit në BE dhe mendojnë se Bashkimi nuk ka një qëndrim të sinqertë ndaj saj. Në të njëjtën kohë Erdogani tha se tani për tani Turqia do të vazhdojë të mbajë lidhje të ngushta me BE-në dhe do të ndjekë zhvillimin e marrëdhënieve.  Marrëdhëniet mes BE-së dhe Turqisë u keqësuan pas tentativës për grusht shteti dhe kritikave vijuese nga ana e Bashkimit ndaj masave të represionit të ndërmarra nga Ankaraja. Gjatë 12 muajve të fundit në shtet është shpallur gjendje e jashtëzakonshme, më se 50 mijë veta janë arrestuar dhe 140 mijë veta humbën vendet e tyre të punës për shkak të dyshimeve se janë lidhur me klerikun islamik Fethullah Gylen, i cili jeton në ShBA. 

Përpiloi: Stoimen Pavllov
Përgatiti në shqip: Jordanka Ivanova

Më shumë nga rubrika

At Aleksandër Çëkërëk

Ajo që u krijua nga At Aleksandër Çëkërëk në Edrene po jep fryte

Para shpërthimit të Luftës Ballkanike 1912-1913, bullgarët në rajonin e Trakisë së Edrenesë numëronin 410 724 persona, sipas të dhënave të Ministrisë së Punëve të Jashtme të atëhershme të Bullgarisë. Me marrjen e kalasë së Edrenesë më 26 mars 1913,..

botuar më 24-04-24 7.10.PD

50 vjet nga shpikja bullgare e laserit të avullit të bromurit të bakrit

Më 24 prill, Instituti i Fizikës së Trupit të Ngurtë pranë Akademisë Bullgare të Shkencave shënon solemnisht 50 vjet nga shpikja e laserit të avullit të bromurit të bakrit. Ky laser është një shpikje bullgare, e vënë në punë për herë të parë nga..

botuar më 24-04-24 6.10.PD
Zëvendësministri i Bujqësisë Miroslav Marinov (i pari në të majtë) në hapjen e edicionit të 20-të të ekspozitës

Në ekspozitën “Tehnomebel” marrin pjesë rreth 100 kompani nga e gjithë Evropa

Druri bullgar, jo i importuar, është lënda e parë kryesore për industrinë e përpunimit të drurit dhe mobilieve në vendin tonë. Këtë e theksoi zëvendësministri i bujqësisë, Mirosllav Marinov, në hapjen zyrtare të edicionit të 20-të të ekspozitës..

botuar më 24-04-23 6.54.MD