Tri janë detyrat kryesore, të cilat i zbaton grupi i dytë i përhershëm anijesh të NATO-së, tha në një brifing të komanduesve të anijeve të huaja pjesëmarrëse në Stërvitjen Kombëtare me pjesëmarrje ndërkombëtare “Briz 2017”, komandanti i grupit komodor Xhejms Morli. Ai shpjegoi, se detyra kryesore e grupit është të ruajë një shkallë të lartë të gatishmërisë luftarake për kundërvënie të të gjitha kërcënimeve ose krizave humanitare. Detyra e dytë e grupit është luftimi i fluksit të migrantëve. Tani anije të grupit, bashkë me Turqinë dhe Greqinë, plotësojnë një detyrë të tillë në Detin Egje. Detyra e tretë e anijeve të grupit është vizita të porteve të ndryshme për përkrahje të shteteve anëtare të NATO-së dhe vendeve partnere.