Traktati i Fqinjësisë së Mirë mes Bullgarisë dhe Maqedonisë është një faqe e rëndësishme e re në marrëdhëniet dypalëshe, mirëpo pas nënshkrimit të tij do të kemi shumë punë për të kryer. Këtë e tha në një intervistë televizive Zëvendëskryeministrja dhe Ministrja e punëve të jashtme Ekaterina Zaharieva.

Ajo nënvizoi se qeveria e përdor si bazë për nënshkrimin e Traktatit deklaratën e vitit 1999. Zaharieva komentoi se puna mbi këtë dokument ka vazhduar disa vjet. “Nuk mendojmë të negociojmë më, ky është Traktati, të cilin qeveria bullgare do ta nënshkruajë, shpresoj se ai do të marrë përkrahjen e Kuvendit”.

Në lidhje me shtetasit bullgarë, për të cilët është lëshuar ndalim për hyrje në territorin e Turqisë “organet kompetente bullgare kanë kërkuar më shumë informacion për këta 77 persona”, shpjegoi Ministrja.