Një ikonë të rrallë dhe të çmuar fildishi zbuluan arkeologët gjatë gërmimeve në kështjellën mesjetare Rusokastro në rajonin e qytetit bregdetar Burgas. Ikona ka imazhe në të dyja anët – të Kryeengjëllit Gavriil dhe të shenjtorit Vasili të Madh në njërën anë dhe në të kundërtën janë pikturuar dy kryqe. Imazhet janë nga skena “Ungjillëzimi i Hyjlindëses”. Sendi i zbuluar është pjesë e një triptiku, i cili është përdorur si altar.Ikona do të ekspozohet në Muzeun Rajonal të Burgasit.

Një ikonë tjetër e tillë është zbuluar në Bullgari në fillim të shekullit të kaluar gjatë studimeve të kalasë mbretërore Trapezica në qytetin Veliko Tërnovo (Bullgari Qendrore).

Në botë ka jo më shumë se 15 zbulime të tilla, pronarët e të cilave janë muzetë më të shquar si Luveri i Parisit, Muzeu Britanik dhe muzeu Metropolitan në Nju Jork, informoi korrespondentja e Radios Kombëtare Bullgare në Burgas Kalina Ençeva.