Marrëveshja e Fqinjësisë së Mirë me Maqedoninë tashmë u nënshkrua, tani mbetet vetëm të realizohet

Foto: BGNES

Më 1 gusht në Shkup kryeministrat e Maqedonisë dhe Bullgarisë, zotërinjtë Zoran Zaev dhe Bojko Borisov nënshkruan Marrëveshjen e Miqësisë, Fqinjësisë së Mirë dhe Bashkëpunimit midis dy shteteve. Shumë vëzhgues, me bazë, e caktojnë këtë akt si historik.

Kjo marrëveshje u bë realitet 25 vjet pasi në vitin 1992 Bullgaria e para në botë dhe pa kusht e njohu pavarësinë dhe sovranitetin e Maqedonisë; 18 vjet pasi në vitin 1999 kryeministrat e të dy shteteve, zotërinjtë Ljubço Georgievski dhe Ivan Kostov, nënshkruan Deklaratën e Fqinjësisë së Mirë dhe pas bisedimeve 9-vjeçare në 12 raunde për një tekst të kësaj marrëveshjeje të pranueshëm për të dy palët.

Për palën maqedonase në vitin 1999 Deklaratën e Fqinjësisë së Mirë e nënshkroi lideri i partisë së të djathtas konservatore VMRO-DPMNE. Mirëpo, në vitin 2017 pikërisht kjo parti nuk e përkrahu Marrëveshjen e Miqësisë, Fqinjësisë së Mirë dhe Bashkëpunimit. Dokumentin e nënshkroi lideri i Bashkimit Socialdemokratik të Maqedonisë me orientime të së majtës, i cili sot është në pushtet në Maqedoni. Ndryshe nga Maqedonia, në Bullgari marrëveshjen e përkrahën të gjitha forcat parlamentare. Mosmarrëveshjet mbi këtë çështje midis forcave politike në Maqedoni nuk duhet të absolutizohen, sepse edhe në vet VMRO-DPMNE-në, pozitat janë kontradiktore dhe ka të ngjarë që ato të evoluohen.

Për rëndësinë e nënshkrimit të marrëveshjes së fqinjësisë së mirë flasin edhe reagimet ndërkombëtare. Menjëherë pas aktit, në një deklaratë të përbashkët përfaqësuesja supreme e BE-së për politikën e jashtme Federika Mogerini dhe konmisionari evropian i zgjerimit Johanes Han theksuan, se marrëveshja është një hap përpara në marrëdhëniet e fqinjësisë së mirë dhe përkrah perspektivën evropiane të Maqedonisë. Ministri i jashtëm i Gjermanisë Zigmar Gabriell theksoi, se Maqedonia dhe Bullgaria nënshkruan një marrëveshje historike, me të cilën dërgojnë një sinjal të rëndësishëm për një bashkëpunim të suksesshëm jo vetëm dypalësh, por edhe rajonal ballkanik. Ministria Franceze e Punëve të Jashtme komentoi, se marrëveshja do të lejojë që Shkupi dhe Sofja të forcojnë marrëdhëniet dhe bashkëpunimin, të cilët janë me rëndësi për procesin e integrimit evropian. Pak para nënshkrimit pozita analogjike shprehën Ambasadat e SHBA-së në Sofje dhe në Shkup.

Për palën bullgare edhe kryeministri Bojko Borisov dhe ministrja e jashtme Ekaterina Zaharieva caktuan nënshkrimin e dokumentit si një hap drejt normalizimit të plotë të marrëdhënieve me Maqedoninë, gjë që në fund të fundit do të jetë në varësi nga realizimi i klauzolave të kontraktuara. Të dy palët treguan vendosmërinë e tyre të mos vonojnë me realizimin, duke firmosur bashkë me Marrëveshjen e Fqinjësisë së Mirë edhe Memorandume Ndërqeveritare për zhvillimin e lidhjeve hekurudhore midis Sofjes dhe Shkupit dhe për bashkëpunim në fushën e furnizimit të gazit natyror.

Kur në qershor gjatë vizitës së tij në Sofje kryeministri Zoran Zaev siguroi, se Maqedonia mbyll një kapitull nga historia e nacionalizmit dhe urrejtjes, dhe hap një kapitull të ri të së ardhmes evropiane për të gjithë, nga Radio Bullgaria komentuam, se të dy palët deklaruan qëndrime të mira, por mbetet që ato të realizohen. Pas nënshkrimit të djeshme të marrëveshjes së fqinjësisë së mirë arsyet për optimizëm janë edhe më të mëdha.

Përgatiti në shqip: Svetllana Dimitrova

Postimet e lidhura
Kryeministrat Borisov dhe Zaev para monumentit të mbretit Samuil në Sofje.

Pas ngrohjes së marrëdhënieve mes Maqedonisë dhe Bullgarisë po presim hapa konkretë pozitivë

Pak pas vizitës së vet në Bruksel kryeministri i Maqedonisë Zoran Zaev erdhi në Sofje. Këto dy vizitat e tij mysafiri i cilësoi si historike dhe të nënshtruara objektivave të Maqedonisë për të marrë përkrahje dhe ndihmë për anëtarësi në BE dhe në NATO...

botuar më 17-06-21 3.56.MD
Më shumë nga rubrika
Matju Nimic shikon një shans të ri për arritjen e zgjidhjes së mosmarrëveshjes midis Maqedonisë dhe Greqisë.

Bullgaria nuk është palë në mosmarrëveshjen për emrin e Maqedonisë, por ka qëndrimin e vet

Që kur në vitin 1991 u shpall shtet i pavarur, Maqedonia ka probleme me njohjen e emrit të saj. Në kushtetutë ajo vetemërohet Republika e Maqedonisë, por Greqia imponoi veto mbi këtë emër dhe për këtë mosmarrëveshje edhe më sot në OKB-në dhe në..

botuar më 17-08-18 12.49.MD
100 ditë pas fillimit të qeverisjes kabineti miratoi programin e udhëheqjes deri në fund të mandatit të tij katër vjeçar.

Programi i udhëheqjes i qeverisë 2017-2021: me prioritet janë ekonomia, energjetika dhe turizmi

Tre muaj pas marrjes së pushtetit qeveria e tretë e Kryeministrit Bojko Borisov publikoi programin e vet të udhëheqjes deri në fund të mandatit katërvjeçar. Që gjatë ditëve të para të kabinetit të koalicionit mes GERB-it dhe partive nacionaliste,..

botuar më 17-08-14 2.58.MD
Seria e takimeve ballkanike të Ministres Zaharieva filloi me bisedimet me homologun e saj serb Ivica Daçiç.

Turneu ballkanik i Ministres Zaharieva tregoi “pritje të mëdha” nga Kryesia bullgare e BE-së

Turneu ballkanik i Ministres bullgare të punëve të jashtme Ekaterina Zaharieva, i cili filloi në gjysmën e dytë të korrikut, tashmë po përfundon. Pasi vizitoi Serbinë, Bosnjë e Hercegovinën, Shqipërinë dhe Maqedoninë, gjatë ditëve të ardhshme ajo..

botuar më 17-08-09 2.47.MD