Ngjarje me adresë ballkanike

Nikola Gruveski: VMRO-DPMNE nuk do ta përkrahë Marrëveshjen e fqinjësisë së mirë mes Bullgarisë dhe Maqedonisë

Fotografi: BGNES

Lideri i partisë maqedonase në opozitë VMRO-DPMNE Nukola Gruevski u takua me Kryeministrin e Bullgarisë Bojko Borisov. Gruevski nënvizoi se VMRO-DPMNE është për thellimin e miqësisë mes Bullgarisë dhe Maqedonisë, por nuk do ta përkrahë Marrëveshjen e fqinjësisë së mirë, miqësisë dhe bashkëpunimit mes dy vendeve, sepse ka vërejtje dhe oferta konstruktive dhe të konsiderueshme për përmirësimin e saj. Marrëveshja e përgatitur e Fqinjësisë së mirë dhe Bashkëpunimit mes Bullgarisë dhe Maqedonisë u nënshkrua më 1 gusht nga kryeministrat e dy vendeve Bojko Borisov dhe Zoran Zaev. Pritet ratifikimi i saj në parlamentet e Bullgarisë dhe të Maqedonisë.


Michael Pence: E ardhmja e Ballkanit Perëndimor është lidhur me Perëndimin

Fotografi: BGNES

E ardhmja e vendeve nga Ballkani Perëndimor është lidhur me Perëndimin, deklaroi Nënpresidenti Michael Pence në një konferencë të përbashkët për shtypin me Kryeministrin e Malit të Zi Dushko Markoviç, në kuadrin e samitit të vendeve-anëtare dhe monitoruese të Hartës Adriatike në kryeqytetin e Malit të Zi Podgoricë. Ai nënvizoi se për të është një nder i madh të jetë Nënpresidenti i parë amerikan, i cili e ka vizituar vendin. Anëtarësimi i Malit të Zi në Aleancë sipas Michael Pence është një sukses historik i arritur vetëm 10 vjet pas shpalljes së pavarësisë së vendit. Markoviç nga ana e vet shprehu shpresë se kontaktet e ardhshme me përfaqësues të SHBA-së do ta pasurojnë suplementarisht bashkëpunimin mes dy vendeve, para se gjithash në plan ekonomik.



Disa turq kërkuan strehim politik në Greqi

Fotografi: thepressroom.gr

Në ishullin Rodos mbërritën me një jaht dhjetë burra, tri gra dhe katër fëmijë – shtetas turq, të cilët u dorëzuan tek policia, duke kërkuar strehim politik. Ata e kanë përkrahur kërkesën e tyre me motivin se janë ndjekur për shkaqe politike në Turqi dhe po të mbeten atje do të rrezikohet jeta e tyre. Procedura e dhënies së strehimit dhe mbrojtjes po vazhdon disa muaj. Çdo një rast i shtetasve turq, që janë larguar nga Turqia duke kërkuar strehim çon te tensioni i radhës mes Athinës dhe Ankarasë, komentoi korrespondentja e Radios Kombëtare Bullgare në Greqi Katja Peeva.


Refugjatët sirianë protestuan para Ambasadës gjermane në Athinë

Fotografi: BGNES

Refugjatët sirianë të bllokuar në Greqi protestuan para Ambasadës së Gjermanisë në Athinë për shkak të vonimit të takimit të të afërmve të tyre në Gjermani. Mediat greke njoftuan se Greqia dhe Gjermania kanë rënë dakord jo zyrtarisht për ta vonuar procesin e takimit të familjeve të refugjatëve, të cilat janë bllokuar në Greqi që prej muajsh, pasi u larguan nga Siria për shkak të luftës. Rreth 60 mijë refugjatë, kryesisht sirianë, afganë dhe irakianë, po ndodhen në Greqi që prej një viti, pasi vendet ballkanike bllokuan rrugën e tyre drejt Evropës Qendrore dhe Perëndimore.

Përpiloi: Miglena Ivanova
Përgatiti në shqip: Vesella Mançeva

Më shumë nga rubrika

Numri i banesave bosh po shtohet në sfondin e rritjes së njerëzve që kanë nevojë për strehim

Ministria e Zhvillimin Regjional dhe e Urbanizimit kohët e fundit botoi për diskutim në popull një Strategji Kombëtare të Strehimit. Ndër qëllimet e tij është edhe të kërkohet mënyrë që banesat bosh që janë në rritje në vend të shfrytëzohen për..

botuar më 18-07-20 2.14.MD

Dubluesi Todor Llazarov: Adrenalina është gjithmonë më shumë nga frika

Një jetë e përmbushur me sfida dhe befasi të shumta. Kështu në mënyrë fare të shkurtër mund të përshkruajmë rrugën e bashkatdhetarit tanë Todor Llazarov, nga një fshat i vogël  në rrethin e qytetit Bllagoevgrad deri në sheshin e xhirimit të..

botuar më 18-07-20 12.05.MD

E shtynë eutanazinë e kopeve në Stranxha

Çdo gjë fillon në fund të muajit qershor, kur në 3 ferma të deleve në fshatin Voden, në territorin e bashkisë Boljarovo, janë konstatuar 3 raste të sëmundjes “murtajë mbi kafshët e vogla përtypëse”-një kafshë e vdekur, kurse dy të tjerat në një..

botuar më 18-07-19 3.00.MD