Turneu ballkanik i Ministres Zaharieva tregoi “pritje të mëdha” nga Kryesia bullgare e BE-së

Seria e takimeve ballkanike të Ministres Zaharieva filloi me bisedimet me homologun e saj serb Ivica Daçiç.
Foto: BGNES

Turneu ballkanik i Ministres bullgare të punëve të jashtme Ekaterina Zaharieva, i cili filloi në gjysmën e dytë të korrikut, tashmë po përfundon. Pasi vizitoi Serbinë, Bosnjë e Hercegovinën, Shqipërinë dhe Maqedoninë, gjatë ditëve të ardhshme ajo do të zhvillojë bisedime dhe në Malin e Zi. Qëllimi kryesor i këtyre vizitave është prezantimi i prioriteteve për kryesinë bullgare të Këshillit të BE-së gjatë gjysmës së parë të vitit të ardhshëm, që do të fillojë pas më pak se katër muajsh.

Në Beograd gjatë bisedimeve me Ministren bullgare të punëve të jashtme Ekaterina Zaharieva homologu i saj Ivica Daçiç tha se pret përkrahjen e Bullgarisë për mbylljen e kapitujve të negociatave mes Serbisë dhe BE-së. Nga ana e saj Ministrja Zaharieva ftoi Presidentin Aleksandër Vuçiç në këshillin joformal të ministrave të jashtëm të BE-së “Gymnich”, i cili do të zhvillohet gjatë kohës së Kryesisë bullgare të BE-së.

Në Tiranë Ministri i punëve të jashtme Ditmir Bushati shprehi shpresë se si një shtet mik, në cilësinë e saj të Kryetares së Këshillit të Bashkimit Evropian, Bullgaria do të ndihmojë për integrimin evropian të Shqipërisë. Ministrja Zaharieva nga ana e saj tha se shpreson se deri në fundin e kryesisë bullgare Bashkimi Evropian do të marrë vendim politik për fillimin e negociatave me Shqipërinë.

Pritje për ndihmë nga ana e Bullgarisë ka edhe Maqedonia, me të cilën në fillim të këtij muaji Bullgaria nënshkroi Traktatin e shumëpritur të Fqinjësisë së Mirë. Ky nënshkrim ishte kushti kryesor i Sofjes për përkrahjen e perspektivës evropiane të Maqedonisë. Zonja Zaharieva tha në Shkup se shpreson se vitin e ardhshëm procesi i negociatave i Maqedonisë me BE më në fund do të fillojë.

Në fundin e javës së kaluar në Sarajevë, gjatë bisedimeve me Ministren Zaharieva, Ministri i jashtëm i Bosnjë e Hercegovinës Igor Cërnadak  shprehi dëshirë se në kohën e Kryesisë bullgare të Këshillit të Bashkimit Evropian Bosnja e Hercegovina do të marrë statusin e shtetit-kandidat për anëtarësi. Përfaqësuesja e Bullgarisë nga ana e saj tha se kjo do të bëhet e mundshme vetëm nëse Komisioni Evropian do të vërë re vullnet politik për zhvillimin e reformave të domosdoshme.

Vizita e Ministres bullgare në Malin e Zi do të zhvillohet në të ardhmen e afërt. Mirëpo akoma para saj homologu i saj atje Aleksandër Pejoviç komentoi se shteti i tij pret shumë nga kryesia e ardhshme e Bullgarisë e Këshillit të Bashkimit Evropian dhe shpreson se atëherë do të hartohet “kalendari për zgjerimin e Bashkimit Evropian në Ballkan”.

Turneu ballkanik i Ministres Zaharieva tregoi disa nga sfidat e mëdha të Kryesisë bullgare të BE-së, të cilat kanë lidhje me pozitat e ndryshme të shteteve nga Ballkani Perëndimor dhe me pikëpamjet e ndryshme brenda BE-së për zgjerimin e Bashkimit në këtë drejtim. Serbia, për shembull, zhvillon negociata për aderim nga viti 2015 dhe pret se ato do të përfundojnë vitin 2019, kurse Bosnja e Hercegovina bile nuk ka marrë status të kandidates për anëtarësi. Komisioni Evropian përkrah perspektivën evropiane të Ballkanit Perëndimor, mirëpo nuk dëshiron që zgjerimi i BE-së në këtë rajon të bëhet para zhvillimit të reformave të mëdha dhe radikale.

Pavarësisht nga kjo pritjet nga Sofja janë të mëdha, duke pasur parasysh se Bullgaria është shteti i parë ballkanik, i cili do të kryesojë Këshillin e Bashkimit Evropian pas Greqisë. Detyrat para politikanëve dhe diplomatëve tanë në lidhje me prioritetin ballkanik të Kryesisë sonë janë të shumta dhe nuk janë të lehta.

Përgatiti në shqip: Jordanka Ivanova

Më shumë nga rubrika
Dr. Anton Pançev

Sfidat e politikës së jashtme të Republikës së Kosovës dhe Presidenca bullgare e Këshillit të Bashkimit Evropian

Sofja ishte mikpritëse e Konferencës ndërkombëtare shkencore “Bullgaria midis Ballkanit Perëndimor dhe Detit të Zi – historia dhe gjeopolitika”. Mes shkencëtarëve të dalluar dhe me autoritet, që morën pjesë në të ishte Dr. Anton Pançev – politolog dhe..

botuar më 17-12-14 12.26.MD
Krasimir Karakaçanov dhe Angell Xhambazki

Bullgaria midis Ballkanit Perëndimor dhe Detit të Zi – historia dhe gjeopolitika

Pas forumit ndërkombëtar kushtuar integrimit të Ballkanit Perëndimor, i cili u mbajt javën e kaluar në Sofje me përkrahje të Bankës Botërore, e ardhmja e Ballkanit dhe më konkretisht vendi i vendeve të pjesës perëndimore të gadishullit, vazhdon të..

botuar më 17-12-13 2.51.MD
Kontakti i fundit i nivelit të lartë mes Turqisë dhe Bullgarisë ishte ai i Kryeministrit Bojko Borisov me Ministrin për BE-në dhe negociatorin e përgjithshëm Ömer Çelik.

Dinamika e marrëdhënieve bilaterale ndërmjet Bullgarisë dhe Turqisë

Që nga fillimi i shtatorit bën përshtypje dinamika e forcuar e marrëdhënieve mes Bullgarisë dhe Turqisë. Nga fillimi i vjeshtës deri tani katër ministra turk vizituan shtetin tonë dhe zhvilluan bisedime të rëndësishme. Turqia do të ndihmojë..

botuar më 17-12-06 2.14.MD