Drejtori i Operës së Sofjes akademik Pllamen Kartallov u bë regjisori i parë operistik bullgar, ftuar të realizojë një shfaqje të vet në kuadrin e Festivalit prestigjioz me emrin e Puçinit në Tore del Lago të Italisë. Fondacioni organizator i kësaj veprimtarie muzikore dëshiron, që ai të krijojë shfaqjen e operetës së vetme të këtij kompozitori “Dallandyshja”, me të cilën do të kremtohet përvjetori i 100-të i kompozimit të saj. Pikërisht aty në Tore del Lago ngrihet shtëpia, në të cilën kompozitori krijoi operat e tij të mrekullueshme. Çdo verë këtu vijnë admirues të krijimtarisë së kompozitorit nga mbarë bota. Gjatë viteve një nga yjet e këtij festivali ishte këngëtarja e madhe operistike bullgare Gena Dimitrova.