“Thatësira verore” në rrjedhjet e migrantëve përmes Bullgarisë

Foto: BGNES

Kohët e fundit gjithnjë e më shpesh flitet për ndryshimin e politikës së BE-së të lidhur me migrantët. Po përgatiten ndryshimet e saj dhe këtë javë në Paris Presidenti i Francës Emmanuel Macron, Kancelarja gjermane Angela Merkel dhe Kryeministrat e Italisë dhe Spanjës Paolo Gentiloni dhe Mariano Rahoj (Mariano Rajoy) diskutuan me liderët afrikanë mënyrën për ndalimin e migracionit ilegal përmes Mesdheut drejt brigjeve evropiane. Komisioneri i migracionit, çështjeve të brendshme dhe shtetësisë Dimitris Avramopulos pohoi se Brukseli po shqyrton rregulla të reja për kontrollimet në Hapësirën Shengen. Kjo temë u diskutua dhe gjatë vizitës së Presidentit Macron në Bullgari javën e kaluar, kur ai bisedoi me Kreun bullgar të Shtetit Rumen Radev për domosdoshmërinë e reformimit të politikës evropiane për ofrimin e strehimit dhe shprehi përkrahjen e tij për pjesëmarrjen e Bullgarisë në diskutimet për reformimin e Hapësirës Shengen, pavarësisht se shteti ynë akoma nuk është pjesë e kësaj hapësire.

Duke qenë një nga kufijtë e jashtëm të Bashkimit Evropian, Bullgaria në fakt prej shumë kohësh është palë në këto diskutime. Ajo insiston për masa më vendimtare për menaxhimin e migrimit, për rregulla të qarta për dallimin e refugjatëve nga migranët ekonomikë, për përqendrimin e refugjatëve në zona sigurie afër rajoneve të konflikteve dhe për angazhimin me këto probleme të pushteteve brenda shteteve nga nisen rrjedhjet e emigrantëve. Duhet thënë se Sofja filloi t’i mbrojë këto teza akoma kur kriza e refugjatëve ishte në kulmin e saj. Kurse tani, kur politikanët evropianë demonstrojnë gatishmëri për rishqyrtimin e politikës së përbashkët ndaj migrantëve, po vëzhgohet një ulje e konsiderueshme të presionit të ushtruar nga flukset e klandestinëve ndaj Bullgarisë. Në Bullgari po flitet për një “thatësirë verore” në rrjedhjet e migrantëve drejt Bullgarisë.

Dhe në të vërtetë, sipas të dhënave të Ministrisë së Punëve të Brendshme në fundin e gushtit qendrat për strehimin e të huajve punojnë me kapacitet të paplotë. Statistika regjistron një pakësim të hyrjeve të të huajve në shtet dhe të daljeve të tyre jashtë Bullgarisë. Vetëm gjatë javës së fundit nga qendrat e refugjatëve kanë dalë 60 persona. Të ndaluarit në përpjekje të hyjnë në shtet janë 40. Ata që janë kapur gjatë daljes së paligjshme janë 7.

Qendrat pranë Ministrisë së Punëve të Brendshme kanë kapacitet 900 veta dhe atje po qëndrojnë pak më shumë se 400 të huaj (rreth 50%), të cilët kryesisht vijnë nga Afganistani dhe Pakistani, pra nuk janë refugjatë nga Siria. Në kampet e strehimit pranë Agjencisë Shtetërore të Refugjatëve sirianët janë më shumë, por vendet e zëna janë vetëm 1358, derisa kapaciteti është 5 mijë.

Kjo e pohon tendencën, se për migrantët Bullgaria është një shtet transit dhe ata, të cilët dëshirojnë të mbeten tek ne, janë pak.

Këtu duket shumë logjike pyetja: po të ketë një ulje e tillë e refugjatëve tek ne, a kemi arsyetim të kërkojmë pjesëmarrje në debatet për politikën e re evropiane për migrantët. Përgjigja me siguri është pozitive, jo vetëm për shkak të angazhimeve serioze që i ka Bullgaria si një shtet transit. Çështja nuk kufizohet vetëm brenda përpjesëtimeve humanitare dhe atyre teknike, por ka lidhje edhe më sigurinë kombëtare. Mospërputhja mes numrit të njerëzve që hyjnë dhe të atyre që dalin jashtë qendrave të strehimit, tregon se një pjesë e fluksit të migrantëve mbetet pa kontroll – një gjë, që në kohën e kërcënimeve të shumta terroriste, mbetet problem serioz. Kjo ishte teza e presidentit Rumen Radev, e shprehur gjatë vizitës së homologut të tij francez Emmanuel Macron – se siguria e shtetasve evropianë fillon nga siguria e kufijve bullgarë dhe Sofja është vendosur të marrë pjesë aktivisht në reformimin e politikës së përbashkët evropiane për migrantët.

Përgatiti në shqip: Jordanka Ivanova

Më shumë nga rubrika
Ministrja e energjetikës Temenuzhka Petkova me kolegët e saj nga Serbia dhe Greqia Aleksandër Antiç (majtas) dhe Jorgos Statakis gjatë takimit në Aleksandrupolis.

Po avancon realizimi i projekteve të gazit në bashkëpunimin regjional të Bullgarisë

Vetëm një ditë pasi në qytetin Kavalla ministri i transportit i Bullgarisë Ivajllo Moskovski nënshkroi me homologun e tij grek Hristos Spirxis memorandumin ndërqeveritar për zgjerimin e projektit të korridorit transportues midis porteve të të dy..

botuar më 17-09-08 1.41.MD

Projekti për lidhjen infrastrukturore midis Bullgarisë dhe Greqisë po zgjerohet

Projektet për zhvillimin e kapacitetit të pikëkalimeve kufitare, për përmirësimin e komunikacioneve rrugore transkufitare, për lidhjen e sistemeve të transportimit të gazit mes dy vendeve dhe për krijimin e korridoreve të reja të transportit mes..

botuar më 17-09-07 1.59.MD
Gjatë bisedimeve me homologun e saj malazez Sërxhan Darmanoviç ministrja Ekaterina Zaharieva theksoi, se aderimi i Ballkanit Perëndimor në BE-në nuk është vetëm ndër prioritetet e kryesisë bullgare, por edhe qëllim afatgjatë në politikën e jashtme të Bullgarisë.

Vizita në Podgoricë – e fundit, por jo për nga rëndësia në turneun ballkanik të ministrit të jashtëm bullgar

Turneu i ministres së jashtme bullgare Ekaterina Zaharieva në shtetet e Ballkanit Perëndimor përfundoi me vizitë në Malin e Zi. Para kësaj, në vazhdim të afro një muaji, ministrja bullgare zhvilloi bisedime në Serbi, Shqipëri, Maqedoni dhe Bosnje..

botuar më 17-09-04 3.13.MD