Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarje me adresë ballkanike

Maqedonia bëri një hap përpara në normalizimin e Ballkanit

Fotografi: arkiv

Kompania Private e Hetimit “Stratfor” nxori përfundimin, se Maqedonia realizoi një hap të madh për normalizimin e Ballkanit. Kompania iu referohet një analize të ish ambasadorit amerikan në Beograd Kamerën Mantër, i cili thekson, se qeveria maqedonase kreu një punë të madhe duke përmirësuar marrëdhëniet me shtetet fqinje. Këtë qëndrim të vet diplomati iu referon nënshkrimit të marrëveshjes për miqësi me Bullgarinë, dëshirës të zgjidhet mosmarrëveshja me Greqinë për emrin, zgjerimit të bashkëpunimit me Shqipërinë. Sipas diplomatit, Ballkani Perëndimor më mirë do të zgjidhë problemet me ndihmë nga jashtë dhe çështja është, se kur liderët evropianë do të zbulojnë këtë dhe se do të arrijnë të marrin masat e domosdoshme me kohë.


Ballkani nuk është oborri i prapmë i Evropës, por vet Evropa

Fotografi: BTA

Përfaqësuesja supreme e BE-së për punët e jashtme dhe sigurinë Federika Mogerini komentoi para takimit të ministrave të jashtëm të bashkimit në Bruksel, se gjatë vitit të fundit tensioni në Ballkan u rrit në mënyrë shqetësuese, por në fund të fundit shtetet e regjionit arritën të ripohojnë dëshirën dhe aftësinë për integrim me BE-në. Ballkani nuk është oborri i prapmë i Evropës, por vet Evropa, theksoi zonja Mogerini.


Një projekt për urë në Detin Adriatik u bë shkak për lindjen e një mosmarrëveshjeje midis Bosnjës dhe Kroacisë

Fotografi: en.wikipedia.org

Bosnje e Hercegovinë do të shfaqë pretendime ndaj Kroacisë për një pjesë prej Detit Adriatik, në se ajo do të ndërtojë mbi të urë për autostradë, e cila të kalojë jashtë territorit të saj. Këtë e deklaroi ministri boshnjak i çështjeve civile Adil Osmanoviç në një letër dërguar ministrit kroat të transportit dhe çështjeve detare Oleg Burkoviç. Tetë kilometra nga territori i Bosnjës kufizojnë me Detin Adriatik në rajonin e gadishullit Peleshac, por ujërat bregdetarë i përkasin Kroacisë. Përmes territorit të Bosnjës kalon autostrada E 65, e cila lidh pjesën kryesore të Kroacisë me rajonin e saj jugor, ku ndodhet porti i madh Dubrovnik. Ideja e Zagrebit të kalojë anas Bosnjës nuk mirëpritet në Sarajevë, sepse ajo do të humbë para nga tranzitimi përmes territorit të saj. Në fund të qershorit Kroacia humbi një mosmarrëveshje me Slloveninë për kufirin detar në Gjirin Piranski, pasi Gjykata Ndërkombëtare e Arbitrazhit në Hagë mori vendim me të cilin ripohoi të drejtën e Sllovenisë për dalje direkte në ujëra ndërkombëtarë.


Sipas Ankarasë kurdët kontrollojnë 89 për qind prej tregut të narkotikëve në Evropë

Fotografi: iraqinews.com

Sipas një raporti të policisë turke, Partia Punëtore Kurde kontrollon 80 për qind prej tregut të narkotikëve në Evropë, ndërsa gjatë këtij viti fitoi 1.5 miliard dollarë vetëm nga prodhimi i heroinës në Irakun Verior. Heroina e prodhuar në Azi dërgohet në Perëndim, ndërsa droga sintetike prodhuar në Evropën Perëndimore tranzitohet përmes Turqisë drejt vendeve arabe, theksohet në raport. Autorët nënvizojnë, se tregtia me droga është burimi kryesor i financave për Partinë Punëtore Kurde. Që nga viti 1984 ajo zhvillon luftë të armatosur kundër shtetit turk, duke pretenduar për pavarësi ose për autonomi të gjerë.

Përpilues: Stoimen Pavllov
Përgatiti në shqip: Svetllana Dimitrova

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD