Ngjarje me adresë ballkanike

Ushtria turke është e teta për nga fuqia në botë

Fotografi: EPA / BGNES

Një botim në faqen internet GlobalFirepower.com thekson, se ushtria turke është në vendin e 8-të ndër 10-të forcat më të fuqishme ushtarake në botë. Në klasifikim, në të cilin krahasohen ushtritë e 113 vendeve mbi bazë të 50 faktorëve të ndryshëm, theksohet, se Turqia disponon me një potencial të forcës së gjallë nga 41.6 milion veta, 35 milion prej të cilëve janë në gjendje të plotësojnë detyrimet ushtarake. Aktualisht ushtria turke përbën 743 415 veta, forcat ushtarak-ajrore disponojnë 1 018 gjuajtës dhe 207 aeroplanë sulmues, flota ushtarake – 161 fregate dhe 12 nëndetëse, forcat e këmbësorisë – 2 445 tanke dhe 7 550 makina të blinduara, ndërsa buxheti ushtarak është 8.2 miliard dollarë. Në vendin e parë të klasifikimit të fuqisë ushtarake radhiten SHBA-ja, ndjekur nga Rusia, Kina, India, Franca, Britania e Madhe dhe Japonia.


Një mitropolit grek akuzon shtetin se bënë provë të asgjëzojë fenë ortodokse

Fotografi: romfea.gr

Mitropoliti grek Fiotidski Nikollaj akuzon politikanët e vendit, se bëjnë provë të asgjësojnë fenë ortodokse. Sipas tij klika politike preferon që Greqia të jetë një shtet pa fe, dhe se kisha të mbetet vetëm një faktor kulturor dhe historik. Për këtë arsye autoritetet shkelin themelet shpirtërore e shoqërisë dhe orvaten të transformojnë vlerat e përjetshme institucionale. Nën pretekstin se mbrojnë të drejtat e pakicave seksuale ata synojnë të kufizojnë dhe të shfuqizojnë kishën. Këtu duhet të rikujtojmë, se në vitin 2015 Greqia legalizoi martesat midis sekseve të njëjta, gjë që e indinjoi klerin ortodoks.


Pas skandalit diplomatik, Shkupi dhe Beogradi prapë janë “miq të sinqertë”

Fotografi: mkd.mk

Në një takim në Shkup kryeministri maqedonas Zoran Zaev dhe ambasadorja e Serbisë në Maqedoni Dushanka Divjak-Tomiç u bashkuan rreth mendimit, se midis dy vendeve ka një miqësi të sinqertë dhe bazë reale për thellimin e marrëdhënieve. Zoti Zaev siguroi, se qeveria e tij është e vendosur fortë të zhvillojë marrëdhënie të fqinjësisë së mirë. Zonja Tomiç mirëpriti këtë qëndrim konstruktiv dhe tha, se të dy palët do të ndjekin tendencat evropiane në zhvillimin demokratik dhe ekonomik. Të dielën e kaluar Serbia papritmas tërhoqi tërë personelin e Ambasadës së saj në Shkup. Pas kësaj presidenti serb Aleksandër Vuçiç deklaroi, se “ka dëshmi për ofensivë hetuese” kundër Serbisë në Maqedoni.


Tre të arrestuar në Serbi pas një incidenti me kortezhin e presidentit

Fotografi: seebiz.eu

Policia serbe arrestoi tre burrë pasi ata u përplasën me veturë me rojën zyrtare të presidentit serb Aleksandër Vuçiç. Tre të arrestuarit janë të njohur me të kaluarën kriminale, ndërsa vetura ishte pronë e një futbollisti. Sipas ministrit të brendshëm Nebojsha Stefanoviç nuk ka shenje se ky është një sulm i paramenduar. Para afro një viti, kur Aleksandër Vuçiçi ishte kryeministër ai u vu nën siguri të rreptë, sepse u zbulua armë në një veturë të parkuar në afërsi të një shtëpie ku ai do të bënte vizitë. Atëherë filloi të flitet për përgatitje eventuale të vrasjes, por kjo hipotezë nuk u konfirmua.


Rumania dhe Deti i Zi bëhen rruga e re kryesore të migrantëve drejt BE-së

Fotografi: politiadefrontiera.ro

Burime të rojës bregdetare rumune njoftojnë, se një anije peshkimi me 87 migrantë ilegalë në bord u arrestua afër brigjeve rumune të Detit të Zi. Ena lundruese u zbulua me ndihmën e Sistemit të Integruar të Vëzhgimit në Detin e Zi (SCOMAR), që para se të hyjë në ujërat territoriale të Rumanisë. Për gjashtë muajit e parë të vitit duke bërë prova të hyjnë ilegalisht në akuatorinë rumune u arrestuan 1 437 të huaj, gjë që është tri herë më shumë se sa në të njëjtën periudhë të vitit të kaluar. Sipas disa analizueseve ka të ngjarë që Rumania dhe Deti i Zi të bëhen rruga e re kryesor e migrantëve drejt Evropës.

Përpilues: Stoimen Pavllov
Përgatiti në shqip: Svetllana Dimitrova

print Printo
Më shumë nga rubrika

Dita e pavarësisë bullgare – dje dhe sot

Vite me radhë në Bullgari e quanin 22 shtatorin “Festë Mbretërore”. Kjo për arsye, se në këtë datë në vitin 1908 princi i atëhershëm Ferdinand lexoi Manifestin historik drejtuar popullit. Me të shteti zyrtarisht hidhte poshtë varësinë prej vasali..

botuar më 17-09-22 9.10.PD

Ngjarje me adresë ballkanike

Itinerari i ri ballkanik i migrantëve përmes Bullgarisë dhe Rumanisë Migrantët, të cilët dëshirojnë të arrijnë tek Evropa Perëndimore tashmë përdorin itinerar të ri ballkanik – përmes Bullgarisë dhe Rumanisë. Këtë e tha Ministri Mbrojtjes..

botuar më 17-09-21 2.48.MD

Konkursi “Bashkia Ekologjike” për menaxhim të qëndrueshëm dhe efektiv të lëndëve të para në Bullgari

Vitet e fundit shumë bashki bullgare shënojnë përparim në fushat e menaxhimit të ujërave, menaxhimit të mbeturinave, lëvizshmërisë dhe efikasitetit energjetik të ndërtesave. Për arritjen e rezultateve të mira ndihmon konkursi “Bashkia Ekologjike”...

botuar më 17-09-20 1.59.MD