Vizita në Podgoricë – e fundit, por jo për nga rëndësia në turneun ballkanik të ministrit të jashtëm bullgar

Gjatë bisedimeve me homologun e saj malazez Sërxhan Darmanoviç ministrja Ekaterina Zaharieva theksoi, se aderimi i Ballkanit Perëndimor në BE-në nuk është vetëm ndër prioritetet e kryesisë bullgare, por edhe qëllim afatgjatë në politikën e jashtme të Bullgarisë.
Foto: BTA

Turneu i ministres së jashtme bullgare Ekaterina Zaharieva në shtetet e Ballkanit Perëndimor përfundoi me vizitë në Malin e Zi. Para kësaj, në vazhdim të afro një muaji, ministrja bullgare zhvilloi bisedime në Serbi, Shqipëri, Maqedoni dhe Bosnje e Hercegovinë. Vizita në Podgoricë ishte e fundit në turneun, por vetëm për nga kronologjia, jo për nga rëndësia.

Me të vërtetë, kjo ishte vizita e parë e cila ministri i jashtëm bullgar bën në Malin e Zi, pasi kur në qershor ky vend u bë anëtar i NATO-së. Sipas disa analizuesve, Mali i Zi ndoshta do të jetë shteti i parë i Ballkanit Perëndimor, i cili do të aderohet me BE-në. Nga ana tjetër, bisedimet e ministres Zaharieva u realizuan në një moment, kur dialogu politik midis dy vendeve është tepër intensiv. Brenda tre viteve të fundit krerët e shteteve u takuan pesë herë, aq sa edhe ministrat e jashtëm. Shihet edhe një shkëmbimi njerëzor, i cili karakterizohet me një rritje të ndjeshme të interesit si të bullgarëve ndaj Malit të Zi, ashtu edhe të malazezëve ndaj Bullgarisë. Vjet Malin e Zi e vizituan më se 5 mijë bullgarë. Kjo shifër nuk duket aq e madhe, por ajo është pesë herë më e lartë se sa ishte ajo në vitin 2015.

Si dhe në shtetet e tjera ballkanike, të cilët i vizitoi para Malit të Zi, ministrja Zaharieva kishte për qëllim të prezantojë prioritetet e kryesisë bullgare të BE-së gjatë gjysmës së parë të vitit 2018, njeri prej të cilëve është integrimi i rajonit me BE-në. Mali i Zi e hapi negociatat për anëtarësim me BE-në në vitin 2012. Deri tashti mbylli 3 nga 35 kapituj dhe pritet, që deri në fillimin e kryesisë bullgare të hapë akoma dy të tjerë. Lidhur me këtë ministrja e jashtme bullgare Ekaterina Zaharieva i propozoi homologut të saj Sërxhan Darmanoviç, që ekspertë të administratës shtetërore malazeze të grumbullojnë përvojë në Sofje, ndërsa specialistë bullgarë të ndihmojnë mbylljen e këtyre kapitujve.

Duke marrë parasysh aderimin e Malit të Zi me NATO-në tema patjetër asistonte në bisedimet, por ajo u përqendrua vetëm në shkëmbimin e fjalëve dashamirëse. Ministër Darmanoviç shprehu mirënjohjen për pjesëmarrjen e një helikopteri bullgar në shuarjen e zjarreve duke bërë konkluzionin, se ky ishte testi i parë i mekanizmit të bashkëveprimit në rast krize në NATO-në, që kur Mali i Zi u bë anëtare e aleancës. Ministrja Zaharieva siguroi, se dërgimi i helikopterit ishte akti më i vogël, të cilin Bullgaria mund të bënte. Duke mos prekur tensionin midis Podgoricës dhe Moskës për hyrjen e Maliz të Zi në NATO-në, ministrat e jashtëm dhanë të kuptohet, se nuk dëshirojnë të dramatizojnë temën dhe e pranojnë si një faktor i cili nuk ka lidhje me marrëdhëniet dypalëshe. U arrit marrëveshje që pas vizitës para kohe të presidentit Rumen Radev në Malin e Zi, tani vizitë në Podgoricë në kohë sa më të afërte duhet të bëjë edhe kryeministri Bojko Borisov. Vetëm një ditë pasi u kthye nga Mali i Zi ministrja Ekaterina Zaharieva komentoi në Varnë, se aderimi i Ballkanit Perëndimor në BE-në nuk është vetëm një nga pesë prioritetet e kryesisë bullgare të BE-së vitin e ardhshëm, por që tani, edhe qëllim në politikën e jashtme të Sofjes në një perspektivë afatgjatë.

Përgatiti në shqip: Svetllana Dimitrova

Më shumë nga rubrika
Kornelija Ninova

Raporti i ri i monitorimit të KE-së për Bullgarinë dhe pikëpamjet diametralisht të kundërta të forcave politike ndaj tij

Raporti i fundit, i shtatëmbëdhjetë me radhë, i Komisionit Evropian për përparimin e Bullgarisë në fushën e drejtësisë dhe rendit të brendshëm provokoi reagime, të cilat tregojnë mospërputhjet e plota ndërmjet forcave politike tek ne. Për partinë..

botuar më 17-11-16 2.41.MD

„Desanti” i qeverisë bullgare në Romë

Analizatorët politikë në Sofje gjatë ditëve të fundit komentojnë aktivizimin e pazakonshëm të marrëdhënieve mes Bullgarisë dhe Italisë. Më 9 dhe 10 nëntor Zëvendëskryeministrja e Reformës në Drejtësi dhe e Punëve të Jashtme Ekaterina Zaharieva..

botuar më 17-11-15 2.28.MD
Debati “Bashkë në siguri, roli i Bullgarisë në mbrojtjen e përbashkët evropiane” tregoi se bashkimi me mbrojtjen dhe sigurinë e përbashkët evropiane nuk ka oponent ndër forcat politike.

Cilat janë qëndrimet politike ndaj paktit të ri të mbrojtjes në Evropë

Pritet që më 13 nëntor ministrat e mbrojtjes dhe ministrat e punëve të jashtme të BE-së të shpallin në Bruksel nëse shtetet e tyre dëshirojnë të bashkohen me projektin për Bashkëpunim të përhershëm të strukturuar (PESCO) në mbrojtjen evropiane. Në..

botuar më 17-11-10 3.37.MD