Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Projekti për lidhjen infrastrukturore midis Bullgarisë dhe Greqisë po zgjerohet

БНР Новини
Foto: BTA

Projektet për zhvillimin e kapacitetit të pikëkalimeve kufitare, për përmirësimin e komunikacioneve rrugore transkufitare, për lidhjen e sistemeve të transportimit të gazit mes dy vendeve dhe për krijimin e korridoreve të reja të transportit mes tyre, padyshim janë përfshirë në rendin e ditës të pushtetarëve të Bullgarisë dhe të Greqisë që prej shumë kohe. Kjo tendencë u ripohua dje në Kavala me nënshkrimin e memorandumit ndërqeveritar për mirëkuptim për ndërtimin e korridorit Ruse – Varna – Burgas – Aleksandrupolis – Kavala – Selaniku.

Sipas disa burimeve kjo ngjarje është një hap drejt projektit të ri infrastrukturor mes dy vendeve. Mirëpo, në fakt bëhet fjalë për zgjerimin e marrëveshjes dypalëshe që nga viti 2016 për një korridor multimodal midis Detit të Zi, Detit Egje dhe lumit Danub. Me marrëveshjen e nënshkruar në Kavala mes ministrave të transportit të dy vendeve – Ivajllo Moskovski dhe Hristos Spirtzis pala greke e pranoi ofertën e Bullgarisë që në kuadrin e këtij korridori të përfshihet gjithashtu lidhja me portin në qytetin Ruse. Kështu në korridor do të arrihet një gërshetim i plotë midis llojeve të ndryshme të transportit – transporti rrugor, ai hekurudhor, transporti detar dhe ai i lumenjve, dhe do të ketë një vijë të drejtpërdrejtë deri në shtetet në rrjedhën e lumit Danub në drejtim të Evropës Qendrore dhe asaj Perëndimore.

Lidhja hekurudhore do të lejojë arritjen në tregjet më të mëdha tregtare dhe kjo e bën projektin edhe më të rëndësishëm. Pritet që ai të tërheqë investitorë të mëdhenj nga Lindja e Afërt dhe Lindja e Mesme, Kina, Rusia dhe nga tregje të tjera të mëdha. Mirëpo, në vend të parë është dëshira e dy vendeve që projekti të shkaktojë interes në BE dhe të përfshihet në të ashtuquajturin “Plan Junker”. Në kontekstin e këtyre pritjeve kryeministrat e Bullgarisë dhe të Greqisë Bojko Borisov dhe Aleksis Cipras, të cilët ishin të pranishëm në nënshkrimin e memorandumit, u morën vesh që të kërkojnë në tetor një takim me Kryetarin e Komisionit Evropian Zhan – Klod Junker. Shans për startin e suksesshëm të idesë na jep fakti se në muajin janar fillon kryesia bullgare e Këshillit Evropian sipas parimit të rotacionit.

Sipas llogaritjeve paraprake vlera e projektit është gjithsej 5 mlrd euro, 1.070 mlrd euro prej të cilave janë parashikuar për trasenë e tij që do të kalojë përmes territorit bullgar. Mirëpo, qëllimi për zgjerimin e korridorit multimodal mes Detit të Zi, Detit Egje dhe lumit Danub ka një vlerë të lartë politike. Memorandumi u nënshkrua në Kavala më 6 shtator, kur Bullgaria shënon një ngjarje të rëndësishme në historinë e saj – Bashkimin e Principatës së Bullgarisë me Rumelinë Lindore në vitin 1885. Kjo koincidencë simbolike e provokoi Kryeministrin bullgar Bojko Borisov për të komentuar se sot Bashkimi por vazhdon edhe me shtetet fqinje nëpërmjet realizimit të projekteve të rëndësishme të transportit dhe të gazit. Ndërkaq, Kryeministri grek Cipras vuri në dukje se zgjerimi i korridorit të transportit përbën një hap të rëndësishëm drejt shndërrimit të vendeve ballkanike në një pjesë të hapësirës evropiane.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD