Ministri i mbrojtjes Krasimir Karakaçanov ripohoi pozitën e tij, se është më mirë të meremetohen aeroplanët rusë MiG-29, se sa të blihen gjuajtës të rinj për Ushtrinë Bullgare. Sipas tij meremetimi do të kushtojë më pak. Për riparimin tashmë u zhvilluan bisedime me firmën prodhuese ruse, shtoi ministri. Ai e tha këtë vetëm disa orë pasi presidenti Rumen Radev shprehu pakënaqësi nga deklarata e kryeministrit Bojko Borisov, se blerja e një tipi të ri gjuajtësish për ushtrinë nuk është një punë e ngutshme dhe se modeli “Gripen” nuk është varianti më i mirë. Modeli suedez “Gripen” u shpall si më i përshtatshëm nga qeveria teknike me kryeministër Ognjan Gerxhikov dhe u përkrah nga Rumen Radevi. Dy ofertat e tjera janë për gjuajtës të përdorur amerikan F-16 nga Portugalia dhe makina, gjithashtu të përdorura, “Jurofajtër” nga Italia. Pritet, që komisioni parlamentar të shprehë qëndrim mbi këtë kazus deri në fund të muajit.