Një bullgare vdiq në gjirin Toroneos midis gadishujve Kasandra dhe Sitonia duke provuar të shënojë rekord për librin “Gines” në zhytje në ujërat e hapura, bëri të ditur televizioni bullgar BTV. Gruaja 45 vjeçe ka provuar të zhytet në një thellësi prej 231 metrash. I shoqi, i cili gjithashtu është palombar, është në gjendje të rëndë në një spital në Selanik. Çifti është zhytur nën ujë në praninë e mjekut, por ai nuk ka arritur ta ndihmojë gruan dhe pasi tërheqjes së saj në tokë, ajo u shpall e vdekur. Para një jave Teodora Ballabanova, e cila është pronare dhe themeluese e një qendre për palombarë në Nikiti, bëri të ditur se do të bëjë provë për të përmirësuar rekordin botëror në zhytje në ujërat e hapura.