Konfrontime politike dhe institucionale parathonë një përfundim të tensionuar të vitit

Foto: BGNES

Gjatë javës së kaluar parlamenti bullgar votoi kundër dorëheqjes së deputetit të partisë në pushtet GERB Deljan Dobrev, dhënë nga vet ai për shkak të akuzave nga e majta në ndikim të paligjshëm në Bashkinë e qytetit Haskovo. Dorëheqjen ai e koordinoi me kryeministrin dhe lider të partisë GERB Bojko Borisov, dhe prandaj refuzimin që ajo të pranohet, disa e interpretuan si shenje për tension midis grupit parlamentar dhe liderit të partisë në pushtet. Prapë gjatë kësaj jave, komisioni i përkohshëm parlamentar vendosi, që projekti për blerjen e gjuajtësve të rinj të votohet prapë, sepse u kompromentua, edhe nga presidenti Rumen Radev në cilësinë e tij të ish komandantit të Forcave Ushtarako Ajrore. Kryeministri Borisov u përpoq të mbytë konfliktin e deputetëve të partisë në pushtet me presidentin, por Radevi refuzoi “armëpushimin” duke deklaruar, se partia GERB zhvillon një luftë institucionale dhe mediatike kundër Presidencës. Ai shtoi, se mirëkuptimi në emër të komfortit korruptues të pushtetarëve nuk mund të ketë, dhe ja përse do të respektojë parimin “në luftë, si në luftë”. Disa vëzhgues mendojnë, se debatet politike kohët e fundit ashpërsohen edhe për shkak të tensionit të brendshëm në partinë opozitare socialiste. Sipas përkrahësve të kësaj hipoteze, pasi ndërroi një pjesë të madhe të udhëheqjes partiake, liderja e socialistëve Kornelija Ninova orvatet të konsolidojëdrejtuesit e rinj duke ngurtësuar tonin ndaj pushtetarëve. Sipas vëzhguesve të tjerë, si te pushtetarët, ashtu edhe në opozitë shihet një orientim te forcimi i radhëve partiake duke marrë parasysh zgjedhjet e ardhshme vendore. Megjithëqë ato zgjedhje do të zhvillohen pas dy vitesh, për një domosdoshmëri të tillë para kohe foli lideri parlamentar i partisë GERB Cvetan Cvetanov. Cilat prej hipotezave janë të drejta, këtë do ta tregojë koha. Mirëpo, që tani është e qartë, se muajit që mbeten deri në fund të vitit do të jenë të tensionuar dhe të nxehtë.

Përgatiti në shqip: Svetllana Dimitrova


Më shumë nga rubrika

Anatolij Makarov: Rusia kurrë nuk ka qenë dhe nuk do jetë kërcënim për Bullgarinë

Në vigjiljen e vitit 2018, kur Bullgaria do të shënojë përvjetorin e 140-të të Çlirimit të vendit nga sundimi osman, në një takim me gazetarë Ambasadori i Jashtëzakonshëm dhe Fuqiplotë   i Federatës Ruse në Bullgari Anatolij Makarov bëri një..

botuar më 17-12-15 2.07.MD
Dr. Anton Pançev

Sfidat e politikës së jashtme të Republikës së Kosovës dhe Presidenca bullgare e Këshillit të Bashkimit Evropian

Sofja ishte mikpritëse e Konferencës ndërkombëtare shkencore “Bullgaria midis Ballkanit Perëndimor dhe Detit të Zi – historia dhe gjeopolitika”. Mes shkencëtarëve të dalluar dhe me autoritet, që morën pjesë në të ishte Dr. Anton Pançev – politolog dhe..

botuar më 17-12-14 12.26.MD
Krasimir Karakaçanov dhe Angell Xhambazki

Bullgaria midis Ballkanit Perëndimor dhe Detit të Zi – historia dhe gjeopolitika

Pas forumit ndërkombëtar kushtuar integrimit të Ballkanit Perëndimor, i cili u mbajt javën e kaluar në Sofje me përkrahje të Bankës Botërore, e ardhmja e Ballkanit dhe më konkretisht vendi i vendeve të pjesës perëndimore të gadishullit, vazhdon të..

botuar më 17-12-13 2.51.MD