Biznesi bullgar humb nga një muaj për vit në burokraci

Petër Ganev
Foto: BGNES

Tema për burokracinë dhe ndikimin e saj mbi biznesin nuk është e re për Bullgarinë dhe shumë herë ka qenë objekt i diskutimeve. Shumica e anketimeve tregojnë, se ajo është tepër e gjerë, tha në një intervistë për Radio Bullgarinë ekonomisti Petër Ganev nga Instituti i Ekonomisë së Tregut. Për t’i përgjigjur pyetjes çfarë është ndikimi real i burokracisë mbi biznesin nga instituti formuan të ashtuquajturin indeks të barrës burokratike. Ai iu bazohet analizës bërë mbi një kompani model të imagjinuar për prodhimin e elementeve metalike. Kërkohej përgjigja e pyetjes se sa hapa janë të domosdoshme të kësaj firme dhe sa kohë do t’i kushtojë asaj plotësimin e minimumit të kërkesave vendore burokratike. Lidhur me këtë Petër Ganevi shpjegon.

Bëmë konkluzionin, se janë të domosdoshme të paktën 56 hapa për vit dhe afro 175 orë pune. Në praktikë firma duhet të kushtonte një muaj për të bërë hapat kryesorë burokratikë. Në ta hyjnë paraqitja e llogarive vjetore financiare dhe shlyerja e tatimeve të ndryshme. Analizojmë gjithashtu se sa kohë do të kushtojë, në se një punëtorë do të çlirohet nga puna dhe do të punësohet me pëlqim të përbashkët, thënë me fjalë të tjera proceset e punës lidhura me punësimin dhe shkarkimin nga puna. Kemi përfshirë edhe sigurimin e punës dhe arkivimin e dokumenteve.”

Ku është Bullgaria në sfondin e vendeve të tjera të BE-së përsa i përket barrës burokratike mbi biznesin?

Tabloja në vendet e tjera të BE-së është e përngjashme. Harmonizimi i legjislacionit barazon kushtet dhe tregjet. Analiza si jona u bënë në Çeki dhe Sllovaki, dhe rezultatet janë të përafërta. Në Çeki për burokraci humben nga afro 200 orë për vit, ndërsa në Sllovaki pak më pak se sa tek ne. Me dallime të vogla ato vende analizojnë po ato hapa burokratikë. Për shembull në Sllovaki çdo kompani ka detyrë të shfrytëzojë kuponë për ushqim dhe ky është një element i detyrueshëm në analizë, përderisa në Bullgari kjo nuk është e detyrueshme dhe nuk çon pas vetes procedura burokratike.

Sipas një sërë anketimesh për kushtet e biznesit (duke përfshirë edhe të Bankës Botërore), në sfondin e BE-së Bullgaria nuk qëndron aq keq. Në të njëjtën kohë bëhet e qartë, se koha për kalimin përmes procedurave të caktuara burokratike mund të shkurtohet, sidomos me depërtimin e shërbimeve elektronike. Sipas ekonomistit Petër Ganev në Bullgari shihen tendenca për uljen e barrës administrative. Lidhur me këtë shton, se:

Përsa i përket sigurimit të punës, aktualisht diskutohet heqja e disa dokumenteve. Kështu që çdo vit shteti ndërmerr hapa të vogël. Do të jetë mirë, në se do të diferencohen kushtet për industrinë dhe për firmat e tjera që merren me shërbime, me veprimtari konsulentë etj., sepse në disa sfera një pjesë prej dokumentacionit duket tepër burokratike dhe të panevojshme.

Realizimi i qeverisë elektronike është një proces i ngadaltë, ndërsa disa vlerësime dhe revizione tregojnë, se shpesh një pjesë prej parave të lëshuara për qeveri elektronike shfrytëzohen për gjëra të tjera, shpjegon ekonomisti dhe vazhdon:

Aktualisht po diskutohen kartat shëndetësore elektronike. Në të njëjtën kohë letërnjoftimi  gjithashtu do të mbajë informacion dhe do të shërbejë si kartë elektronike shëndetësore. Në Estoni letrat e identitetit lejojnë që njerëzit të kalojnë përmes të gjitha administratave, por kjo kërkon një koordinim të mirë. Tani për tani çdo administratë në Bullgari përpiqet që vet të gjejë zgjidhje për shërbimet që u ofron njerëzve.

Përgatiti në shqip: Svetllana Dimitrova

Më shumë nga rubrika

Papunësia ulet, por mbetet pamjaftueshmëria e kuadrove në sektorët e ndryshëm të ekonomisë

Të papunët e regjistruar në fund të muajit qershor ishin 188 576 veta. Në krahasim me muajin maj numri i tyre është i ulur me 5.9 për qind, ndërsa në krahasim me po këtë periudhë të vitit të kaluar me 15.9 për qind. Personat e porsaregjistruara janë 21..

botuar më 18-07-21 11.15.PD

Bullgaria nis në rrugën e euros

Ministrat financiarë të vendeve të Eurogrupit i dhanë dritë jeshile hyrjes së Bullgarisë në dhomën e pritjes së zonës evropian dhe të bashkimit bankar. Krahas kësaj ata caktuan se si dhe kur kjo do të bëhet. Vendimi u miratua në përgjigje të..

botuar më 18-07-17 1.23.MD

Ushqimet tradicionale bullgare do të kenë mbrojtje nga Bashkimi Evropian gjatë periudhës së vjeshtës

Markat e njohura bullgare të kosit, kaçkavallit, lutenicës /salcë e kuqe/ djathit si dhe mallra të tjera, do të fitojnë mbrojtje evropiane brenda 2-3 muajsh. Atëherë do të votohen ndryshimet ligjore për markat tregtare dhe treguesit gjeografikë, me të..

botuar më 18-07-07 10.15.PD