U dha fund punimeve mbledhja e Këshillit Konsultativ të Sigurisë Kombëtare pranë presidentit i kushtuar luftimit të korrupsionit. Pjesëmarrësit arritën pajtim mbi drejtimet kryesore të punës në këtë fushë. I përbashkët ishte qëndrimi, se lufta me korrupsionin në shtresat e larta të pushtetit nuk realizon suksese për shkak të të metave në legjislacion, të kufizimeve institucionale dhe të mungesës së strukturës së veçuar me autorizime të qarta dhe me kapacitetin e domosdoshëm për luftimin efektiv të korrupsionit. Nuk u arrit pajtim përsa iu përket rolit dhe funksioneve të organit të ardhshëm kundër korrupsionit, kontrollimit të tij dhe emërimit të kryetarit të tij. Ato çështje do të diskutohen në Kuvendin Popullor. Këshilli vendosi, se është i domosdoshëm një ligj special, i cili do të garantojë si parandalimi ashtu edhe zbulimi i korrupsionit në shtresat e lata të pushtetit, njoftoi presidenti Rumen Radev.