Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Vllatko Stefanovski dhe Big Bendi i Radios Kombëtare Bullgare në koncertin “Ngjyrë dhe tinguj nga pranvera”

БНР Новини
Vllatko Stefanovski
Foto: reporter.mk

Koncerti është më 9 nëntor në Studion e Parë të Radios Kombëtare Bullgare. Titulli i programit vjen të sugjerojë larminë e stileve të pjesëve të zgjedhura nga Vllatko Stefanovski dhe Atnoni Donçev – dirigjenti i Big Bendit të Radios. Kitaristi dhe kompozitor legjendar Vllatko Stefanovski për herë të parë do të jetë solist i kësaj orkestre, megjithëqë shumë herë ka dhënë koncerte tek ne. Vjet bashkë me muzikantët Mirosllav Tadiç, Teodosij Spasov, Kori i Përzier dhe Orkestra Simfonike e Radios Kombëtare Bullgare hapën “Sallonin e Arteve” në Pallatin Kombëtar të Kulturës me projektin e Kristijan Jarvit “Ethe Ballkanike”.




Antoni DonçevPërpiqemi të realizojmë programe të larmishme dhe të ftojmë muzikantë nga vende të ndryshme, të cilët përbëjnë interes për publikun. Një pjesë prej kësaj ideje është edhe koncerti me muzikantin Vllatko Stefanovski”, rrëfeu dirigjenti Antoni Donçev dhe shtoi, se një koncert i ngjashëm muzikanti maqedonas ka realizuar në Slloveni. Krahas kësaj ai ishte solist i orkestrave të mëdha simfonike në Britaninë e Madhe, Gjermani, Austri e gjetkë. Në biografinë krijuese ka dhjetëra albume.

Ndër pjesët në program – vazhdon Antoni Donçev – do të theksoj posaçërisht suitën “Kvazi Ballkanika” nga kompozitori holandez  Izidor Lajtinger, me të cilin mbajmë kontakte që prej shtatë vitesh. Që në fillim të miqësisë sonë ai më përcolli këtë suitë. Kjo ishte koha kur nisa punë si dirigjent i Bind Bendit të Radios, prandaj isha i bindur, se një ditë do të ekzekutojmë këtë vepër. Kështu që për ne do të jetë një kënaqësi të veçantë të ekzekutojmë këtë suitë me kitaristin Vllatko Stefanovski. Muzika është e mrekullueshme dhe kompozitori tregon një njohje të mirë të veçorive të shpirtit ballkanik, të muzikës së rajonit, sepse në mënyrë të përsosur gërsheton dimensionet e pabarabarta. Si bazë janë të shfrytëzuar motive prej disa këngëve popullore dhe muzika është tepër pushtuese. Do të ekzekutojmë edhe disa prej pjesëve të njohura të solistit tonë me famë botërore, por të përpunuara për orkestër nga Izidor Lajtinger dhe kompozitorë të tjerë. Publiku do të dëgjojë këngë nga koha e grupit të kitaristit Vllatko Stefanovski “Lep i soll” (“Bukë dhe kripë”) dhe nga karriera e tij si solist, si për shembull “Kënga e ciganit”, “Jovano, Jovanke”, “Vallja e kallajxhinjve” etj."

Vllatko Stefanovski, Mirosllav Tadiç dhe Teodosij Spasov

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Studioja vokale “Dëga” feston 30 vjetorin me një koncert

Studioja vokale "Dëga" (Ylber) do të mbajë një koncert festiv më 30 mars, kushtuar tre përvjetorëve të rrumbullakët - 30 vjet nga krijimi i formacionit, 40 vjet të veprimtarisë krijuese të Snezhana Polihronova - Kërnollski dhe 50 vjet të Shtëpisë së..

botuar më 24-03-29 8.25.PD

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD