Ngjarje me adresë ballkanike

Në “Paradise Papers” janë përfshirë edhe disa emra të politikanëve nga Ballkani

Foto: hindustantimes.com

Pas skandalit me “Dosjet e Panamasë”, gjatë këtyre ditëve  jemi dëshmitarë të një rrjedhjeje të re të madhe të dokumenteve sekrete. Në to figurojnë njerëz të pasur, korporata dhe politikanë, të cilët i kanë fshehur paratë e veta në llogari në “ishujt e parajsës fiskale”. Mes tyre është Ministri i tanishëm serb pa portofol, i cili përgjigjet për inovacionet Nenad Popoviç. Ai zotëron pronë me vlerë të paktën 75 milionë dollarë. Në lidhje me këto informacione Popoviç deklaroi se nuk ka regjistruar asnjë nga kompanitë e veta në zona offshore . Në dokumentet “Paradise Papers” ndodhet emri i ish shefit të administratës tatimore të Sllovenisë Ivan Simiç, i cili ka transferuar në Qipro kompaninë e tij këshilluese  në periudhën, kur ka qenë në krye të Administratës Doganore të Sllovenisë. Sipas hetimit të gazetarëve, motra e ish kryeministrit të Malit të Zi Millo Xhukanoviç – Ana Xhukanoviç dhe partneri i saj Radomir Vukçeviç kanë themeluar dy firma offshore në Malta, të lidhura me industrinë e minierave dhe të përpunimit të mineraleve. Kryeministri turk Binali Jëlldërëm (Binali Yıldırım) po kështu figuron, mirëpo ai i quajti pohimit “një spekulim absolut” dhe deklaroi, se “do të insistojë për hetimin e të dhënave të shpallura, që të mund të provohet se anëtarët e familjes së tij asnjëherë dhe në asnjë mënyrë nuk janë përzier në veprime të ngjashme”.


Librat maqedonas në lëndën e historisë tashmë nuk do t’i quajnë bullgarët “okupatorë fashistë”

Foto: BGNES

Maqedonia ka për qellim të rishikojë librat e veta mësimore në lëndën e historisë në përputhje me frymën pozitive të marrëdhënieve të arritura me shtete fqinje. Prandaj Shkupi ka ndër mend të heqë nga librat e historisë inspirimet për “pushtuesit fashistë bullgarë” nga periudha e Luftës së Dytë Botërore. “Në librat mund të shkruajmë vetëm ”okupatorët fashistë” dhe kështu ta ruajmë miqësinë”, deklaroi kryeministri maqedonas Zoran Zaev përpara “AntenaM”-it të Malit të Zi. “Tashmë 10 vjet grindemi me të gjithë fqinjët tanë dhe është mirë që të pyesim veten a nuk kanë të drejtë të gjithë fqinjët tanë, apo ka ndonjë problem tjetër”, tha Zaevi. “Bullgaria na është aleate në rrugën tonë drejt Bashkimit Evropian. Ajo do të kryesojë Këshillin e Bashkimit Evropian që nga data 1 janar dhe dëshiroj që gjatë kohës së kësaj kryesie Maqedonia të marrë datë për negocime për anëtarësi në organizatë”, vuri në dukje në intervistë Kryeministri.


Mijëra rumunë nga “Daçia” protestuan kundër shtimit të kontributeve të sigurimeve shoqërore

Foto: BGNES

Mijëra nëpunës të kompanisë automobilistike “Dacia” protestuan kundër planeve të qeverisë që t’i ngarkojë punonjësit me kontributet e detyrueshme të sigurimeve shoqërore, që deri tani ishin paguar nga punëdhënësit. Lideri i Bllokut Kombëtar të Sindikatave Dimitru Kostin shpalli se kjo protestë është e para nga një varg protestash, të cilat do të zhvillohen në tërë vendin. “Duhet të tregojmë se jemi kundër veprimeve të tyre që qëllojnë talljen me punonjësin rumun”, tha Kostin. Sipas organizatorëve në këtë miting kanë marrë pjesë 10 mijë sindikalistë nga uzina “Dacia” dhe nga firmat që e furnizojnë prodhuesin e madh.


SHBA-ja dhe Turqia rivendosën pjesërisht lëshimin e vizave

Foto: tr.usembassy.gov

Shtetet e Bashkuara të Amerikës rivendosën, mirëpo në një numër të kufizuar, lëshimin e vizave për shtetasit turk pas një pezullimi që zgjati pothuaj një muaj. Shkaku për këtë pezullim u bë një skandal diplomatik mes dy shteteve në lidhje me arrestimin e nëpunësit të Konsullatës Amerikane në Stamboll Metin Topuz. Ambasada Amerikane në Ankara shpalli më 8 tetor se përkohësisht pezullon të gjitha shërbimet e lidhura me lëshimin e vizave jomigratore, kurse Ankaraja u përgjigj me masën reciproke.

Përpiloi: Miglena Ivanova
Përgatiti në shqip: Jordanka Ivanova

Më shumë nga rubrika

E shtynë eutanazinë e kopeve në Stranxha

Çdo gjë fillon në fund të muajit qershor, kur në 3 ferma të deleve në fshatin Voden, në territorin e bashkisë Boljarovo, janë konstatuar 3 raste të sëmundjes “murtajë mbi kafshët e vogla përtypëse”-një kafshë e vdekur, kurse dy të tjerat në një..

botuar më 18-07-19 3.00.MD

Të rinjtë në Bullgari nuk kanë dëshirë të bëhen mësues

Pritet, që nga fillimi i vitit 2019 rroga fillestare e mësuesve në Bullgari të bëhet 920 leva. Për këtë arritën marrëveshje gjatë qershorit Ministria e Arsimit dhe e Shkencës dhe partnerët e saj socialë. Qëllimi i kësaj marrëveshjeje financiare..

botuar më 18-07-19 12.37.MD

Art pa moshë

Fondacioni “ Credo Bonum ” ka popullaritet në qytetet më të mëdha të vendit me fushatën “Libra për pleh”, e cila inkurajon njerëzit të mbledhin mbeturina prej plastmase kundrejt të cilave marrin libra nga autorë të kohës sonë. Kjo nismë punon në..

botuar më 18-07-18 1.14.MD