Mbi 4 mijë sende me vlerë të lartë kulturore janë marrë nga duart e thesarkërkuesve gjatë 5 vjetët e fundit në territorin e Bullgarisë Jugore. Që të gjitha ato tanimë janë pronë e Muzeut Historik në qytetin Pazarxhik dhe të Muzeut Arkeologjik në qytetin Septemvri. 300 prej tyre paraqiten për herë të parë përpara publikut në një ekspozitë të përbashkët. Këto janë sende nga epokat e ndryshme dhe janë eksponuar kështu, siç janë gjetur. Objekti qendror i ekspozitës është një figurë prej bronzi nga shekulli i II-III. Ai paraqet një statujë të vogël të një gruaje, mbase qytetare romake. Një pjesë nga ekspozita formojnë akoma enët prej qeramike dhe unazat prej argjendi. Deri në fund të vitit muzeu në qytetin Pazarxhik do të pranojë akoma sende të tjera të vlefshme të sekuestruara.