Në qytete të ndryshme bullgare do të organizohen ditë të kulturës, të cilat do të prezantojnë traditat turke përpara publikut vendas. Të njëjtat ekspozita, kushtuar Bullgarisë dhe kulturës së saj, do të organizohen në qytete të ndryshme në Turqi. Iniciativa e përbashkët qe shqyrtuar nga ministrat e turizmit të të dyja vendeve  Nikolina Angjellkova dhe Numan Kurtumllush. Të dy qenë të një mendimi se përmes popullarizimit të traditave të të dyja shteteve mund të arrihet dhe deri në krijimin e një produkti të përbashkët turistik midis Bullgarisë dhe Turqisë të drejtuar ashtuquajturve "tregje me perspektivë". Sipas Organizatës Botërore të Turizmit ato janë Kina, Japonia, India, Lindja e Afërt, Shtetet e Bashkuara dhe Kanadaja. Turqia është në vendin e 5 për nga numri i turistëve, të cilët kanë vizituar Bullgarinë për periudhën janar-shtator 2017, ku është llogaritur një rritje mbi 12% kundrejt të njëjtës periudhë të vitit të kaluar. Qytetarët bullgarë, të cilët kanë vizituar Turqinë gjatë së njëjtës periudhë, janë më shumë se 1 milionë. Shtimi i këtyre udhëtimeve është mbi 6%.