Cilat janë qëndrimet politike ndaj paktit të ri të mbrojtjes në Evropë

Debati “Bashkë në siguri, roli i Bullgarisë në mbrojtjen e përbashkët evropiane” tregoi se bashkimi me mbrojtjen dhe sigurinë e përbashkët evropiane nuk ka oponent ndër forcat politike.
Foto: BGNES

Pritet që më 13 nëntor ministrat e mbrojtjes dhe ministrat e punëve të jashtme të BE-së të shpallin në Bruksel nëse shtetet e tyre dëshirojnë të bashkohen me projektin për Bashkëpunim të përhershëm të strukturuar (PESCO) në mbrojtjen evropiane. Në interes të projektit Gjermania dhe Franca i harruan disa prej kundërshtimeve të tyre tradicionale, kurse me marrëveshjet paraprake mes tyre ndoshta do të bashkohen edhe Italia dhe Spanja. Mendohet se gjithsej rreth 2/3 prej shteteve anëtare kanë dëshirë për t’u përfshirë në bashkim. Në Bullgari që prej disa muajsh tema është sidomos aktuale edhe për shkak të faktit se nga data 1 janar i vitit tjetër ajo e merr kryesinë e Këshillit të BE-së sipas parimit të rotacionit. Mund të thuhet se debati i brendshëm për mbrojtjen e përbashkët evropiane kohët e fundit u përparua shumë dhe tashmë përvijoi disa pikëpamje konkrete.

Debati me emrin “Bashkë në siguri, roli i Bullgarisë në mbrojtjen e përbashkët evropiane”, që u zhvillua muajin e kaluar në Sofje, tregoi se tani për tani aderimi me mbrojtjen e përbashkët evropiane nuk ka oponent ndër forcat politike në vend. Sipas Presidentit të Republikës Rumen Radev, i cili është gjithashtu Kryekomandant i Forcave të Armatosura, në botën e sotme, në të cilën lojtarët e tjerë globalë e zhvillojnë kapacitetin e tyre ushtarak, BE-ja nuk mund të vazhdojë të shpresojë vetëm te “forca e butë”. Duke u shpallur kundër përballimit të fragmentacionit në mbrojtjen evropiane, Radev citoi të dhëna, sipas të cilave BE disponon 176 platforma ushtarake dhe 17 lloje tankesh luftarake, derisa SHBA disponon vetëm 30 platforma ushtarake dhe një lloj tank luftarak. Si rezultat i kësaj shtetet evropiane humbasin nga 70 deri në 100 mlrd euro. Sipas Presidentit, BE-ja mund ta përballojë këtë situatë me krijimin e një industrie të integruar mbrojtëse, kurse si kryetar i Këshillit të BE-së gjatë gjysmës së parë të vitit tjetër vendi ynë jo vetëm se duhet të tregojë qëllimet e veta në këtë fushë, por edhe t’i bashkojë ndërmarrjet dhe institutet tona shkencore për forcimin e aftësive mbrojtëse evropiane. Këtë ide të Presidentit e përkrahën përfaqësues të Partisë Socialiste në opozitë. Për integrimin e industrisë mbrojtëse kombëtare dhe të komunitetit akademik në këtë proces u shpall edhe Ministri i Mbrojtjes Krasimir Karakaçanov, por paralajmëroi se deri në krijimin e strukturave të përbashkëta mbrojtëse do të arrihet në qoftë se në “Bruksel flitet më pak” për Evropën me shpejtësi të ndryshme.

Një rol të konsiderueshëm në debatet kushtuar kësaj teme kishin edhe ekspertët e mbrojtjes. Si Ministri i Mbrojtjes, ata u shpallën kundër mbrojtjes eventuale evropiane me dy shpejtësi, sepse nuk duhet lejuar që të ketë shkalla të ndryshme sigurie për shtetasit e shteteve të ndryshme evropiane. Sipas ekspertëve, Bullgaria duhet të përfshihet aktivisht në kërkimin e vendimeve, duke zgjedhur mes variantit për pjesëmarrje vullnetare në mbrojtjen e përbashkët evropiane pa angazhimin politik dhe juridik, dhe variantit për sinkronizimin e planifikimit mbrojtës dhe realizimin e programeve të përbashkëta. Sa i përket variantit të dytë BE-ja mund të ketë një rol më të konsiderueshëm për sigurinë e brendshme dhe reagimin ndaj rreziqeve si terrorizmi dhe kiber-sulmet dhe pikërisht për këtë shkak ky variant është i preferuar. Disa ekspertë mendojnë se është më mirë që Bullgaria të përqendrohet në angazhimet e saj të lidhura me NATO-n . Tani për tani është herët të mendohet se si mendimet e paraqitura deri tani në Bullgari sa i përket mbrojtjes evropiane do të përfshihen në debatin evropian. Mirëpo, mendimet janë kategorikisht për ndarjen e përgjegjësive për sigurinë e BE-së.

Përgatiti në shqip: Vesella Mançeva

Më shumë nga rubrika

Çfarë do të thotë përkrahja e më të fuqishmit në BE-në për presidencën bullgare

Megjithë situatën e ndërlikuar politike në Gjermani rreth formimit të koalicionit të ri qeverisës, ditën e shtune kancelarja federale Angella Merkell bëri një vizitë në Bullgari. Kjo me qëllim të informohet për prioritetet e Presidencës Bullgare..

botuar më 18-01-22 2.02.MD

Vota e mosbesimit në kohën e Presidencës Evropiane

Në mesin e nëntorit të vitit të kaluar Partia Socialiste Bullgare   deklaroi, se do të marrë pjesë në debatet parlamentare në se ata janë për dorëheqjen e kryetarit të atëhershëm të Kuvendit Popullor Dimitër Gllavçev, për buxhetin shtetëror për..

botuar më 18-01-17 2.00.MD
Kryeministri Bojko Borisov dhe Presidenti i Azerbajxhanit Ilham Aliyev

Dinamika diplomatike në fillim të Presidencës Bullgare të Këshillit të BE-së

Disa ditë pasi mori për herë të parë Presidencën e Këshillit të BE-së, sipas parimit të rotacionit, Bullgaria u përfshi në veprime intensive diplomatike. Shinzo Abe u bë Kryeministri i parë japonez që ka bërë vizitë në Bullgari gjatë tërë..

botuar më 18-01-16 2.20.MD