Meloditë dhe ritmet e vjetra – “të ritreguara” në “MyStory of Folklore”

Foto: arkiv personal

Снимка“MyStory of Folklore” është një projekt i ri i krijuar nga disa interpretues popullorë dhe një DJ. I shkruajnë dy fjalët e para së bashku, pothuaj si Mystery – fjala, e cila dekada me radhë e reklamon folklorin tonë në botë. Sigurisht që aluzioni është për emrin e korit tonë të njohur “Misteri i Zërave Bullgarë” dhe serinë e disqeve me të njëjtin emër, të cilat kanë grumbulluar incizime të disa grupeve të njohura folklorike. Muzikantët e MyStory vënë në dukje se titulli është shprehje e respektit para mjeshtërve të vjetër, të cilët i kanë ruajtur gjatë shekujve të kaluar traditat dhe zanatet. Pavarësisht nga e gjithë kjo interpretuesit kanë një qëndrim më të ndryshëm. Në plan të parë është një mister tjetër – ai, i cili lejon që folklori të gërshetohet me sukses me stile dhe tinguj më të ndryshëm.

Ja se çfarë na tregoi këngëtarja Maria Aleksandrova:

Filluam të punojmë aktivisht mbi projektin që gjatë vitit 2016, bashkë me muzikantët e njohur nga Orkestra për Muzikë Popullore të Radios Kombëtare Bullgare Hristina Beleva – gëdullka dhe Angell Dimitrov – tambura dhe kitarë, si dhe me perkusionistin Petër Jordanov – Bëni (i njohur nga grupi “Oratnica”) dhe Martin Donovski, i cili kujdeset për tingullin elektronik. Për herë të parë e paraqitëm këtë muzikë në festivalin Drum’n’Jazz në Plovdiv, por premiera zyrtare është më 13 nëntor nga ora 19.00 në Sofia Live Club. Do të prezantojmë edhe spotin tonë të parë të një prej këngëve. E filluam këtë projekt me idenë ta paraqesim folklorin bullgar në një mënyrë më tërheqëse për brezin e ri. Muzika do të jetë e përshtatshme për klubet. Përpiqemi ta gërshetojmë folklorin bullgar me stilet rock, reggae, me tingullin akustik dhe elektronik, në disa momente dëgjohen tone lindore... Prandaj edhe titulli i plotë është “MyStory of Folklore” – çdo një prej nesh, pjesëmarrësit, e ka historinë e vet, që ka ndonjë lidhje me folklorin. Për shembull, rruga ime si këngëtare popullore filloi që në fëmijërinë time, mbarova Shkollën Muzikore Kombëtare “Ljubomir Pipkov” dhe Universitetin e Ri Bullgar, në klasën për këndim folklorik të Nellka Petkovës. Jam pjesë e trios vokale “Evridika”. Përpiqem që të gjej për projektin këngë, të cilat nuk janë kaq të njohura. Në projekt interpretojmë këngë nga krahina të ndryshme folklorike. Çdo një prej tyre i ka veçoritë stilistike. Përpiqem ta ruaj sa më shumë stilin specifik të interpretimit dhe të aplikoj atë që e kam mësuar nga mësuesit, gjyshet dhe gjyshërit e mi.




Hristina Beleva, e cila merr pjesë në projekte të ndryshme origjinale të lidhura me folklorin, thotë:

Muzika është një hapësirë e pafund. Ajo është e bukur, e këndshme, ose e “largët” dhe nuk arrin tek njerëzit. Ne jemi të sinqertë në këtë projekt, ka energji të bukur mes nesh dhe unë mendoj se gjithçka ndodh mirë. Nganjëherë Marto na jep ritmin e gatshëm, unë e ekzekutoj idenë për temën, Angell e harmonizon... Pothuaj në çdo një pjesë ka mundësi për improvizime, ku çdonjëri të tregojë historinë e vet. Kjo është akoma një karakteristikë e muzikës – ajo është një tregim. Për mua ajo është si terapia – nëpërmjet muzikës tregoj gjërat më të gëzueshme dhe më të trishtuara. Nganjëherë është vështirë t’i shprehësh emocionet me fjalë, por në muzikë nuk ka kufij. Ndoshta më e rëndësishmja është që t’i pëlqesh njerëzit, me të cilat e interpreton muzikën. Atëherë frymëzimi është kudo – nga një fjalë e mirë, nga një akord i bukur. Shpresoj se do të kemi mundësi të vazhdojmë të pasurohemi njëri tjetrin dhe ta zhvillojmë projektin.




Përgatiti në shqip: Vesella Mançeva

Më shumë nga rubrika
Marija Irell – çmimi II, Petër Karagenov, Pejksin Li, Mihaill Mihajllov, Bojan Savov – çmimi III, Svetllana Ivanova – çmimi III dhe Petja Petrova

Pavell Gerxhikov: “Interpretues të talentuar, të cilëve u uroj një karrierë të shkëlqyeshme!”

Panço Vlladigerov (1899-1978) lindi në Cyrih, mësoi në Sofje dhe Berlin, por rriti në Shumen – qytetin, në të cilin kthehej pothuajse çdo verë për të gjetur qetësi dhe për të krijuar. Më se një çerek shekulli fondacioni, i cili mban emrin e..

botuar më 18-10-17 3.38.MD

Akademia e Muzikës së Lashtë Berlin për herë të parë në Bullgari

36 vjet pas formimit Akademia e Muzikës së Lashtë Berlin (Akademie für Alte Musik Berlin) dha koncertin e parë në Bullgari. Admiruesit e tingëllimit origjinal të muzikës së kompozuar para disa dekadash nuk mbetën të dëshpëruar, sepse në studion e..

botuar më 18-10-15 4.21.MD

Dimitër Hristov: “Orkestra për Muzikë Popullore po i vazhdon projektet e saj të suksesshme"

Veprimtaria kryesore e formacioneve muzikore të Radios Kombëtare Bullgare /BNR/ janë incizimet në studio. Prandaj koncertet e tyre nuk janë kaq shumë, por gjithmonë janë interesante dhe cilësore. “ Po vazhdojmë të punojmë me shumë dashuri dhe..

botuar më 18-10-10 3.56.MD